還記得兒時跟鄰居友人齊齊到蝴蝶灣海灘暢泳，那時我應該只有12歲和不懂水性，一個大人帶著我們幾姐妹和他的孩兒圍住一個浮床游出海中心。那時的我膽大包天，無有怕，最終還是闖禍，失手跌落水，好彩Uncle親手敏捷一手捉我上回水面，否則後果嚴重。那刻我真的被嚇怕了，自此我就認定自己是忌水的，再不敢去游泳。 但自從認識Marco之後，我又開始愛上了游泳，我倆拍拖期間其一的活動就是去游泳，亦因為這原因我們多次前往陽光與海灘的地方渡假。雖則我跟他游泳多年，但還是不懂泳姿和技巧，每次一去到深水位置就趕住要回頭，還未能克服深水障礙。

最近與老友Eunice閒聊時她提起想學游水，既然有志同道合，湊巧現是炎夏季節，我就把握今次機會亦當俾次機會自己去一試。 Eunice找來的泳斑全是女教練，一對五，合共上10堂，包學識 (呢點我巳替自己擔心) ，萬一完成10堂我都唔識就真係勁…. 瘀皮嘞!

自己一向眼淺 (容易喊) 既人，每當睇報紙看電視劇集見到d淒慘個案，感人既故事自己都會忍唔住流眼淚。

但依家呢種情況就一定唔可以在WaiWai面前表露出來。每當俾佢發覺我眼濕濕，佢會第一時間嗌mama唔好喊mama唔好喊，如果我係流緊眼淚既時侯，佢就會問mama咩事，唔准喊，正當佢叫我唔好喊既同時佢自己又會喊埋一份喎。原來小小年紀巳經懂得辨別他人的喜怒哀樂。小朋友既情感很直接，你開心佢就開心，所以我經常 remind自己要常掛笑臉在面上。

WaiWai 最近經常用玩具沙槌 or 其它玩具來打個電視機螢光幕，我同大洪爸巳鬧過她無數次，提醒她這是不對的，每次她都會點頭認錯話下次唔敢。

但今天我倆放工回家，我發現電視機螢光幕點解多左d啡色花痕，我即問係邊個整花個電視? ( 我當然知道那人是誰啦! ) 一問之下，WaiWai就即刻走到我面前salute說: 媽媽，Sorry ! 媽媽，Sorry ! 我話又係你，你點整花架? 佢話用color pen 畫電視，我當時好嬲，但見她表現得好知錯還帶點害怕(怕我地又鬧佢)，加上見佢咁主動同我認錯，我個心軟哂，其實暗地裡我會心微笑，因為發覺WaiWai今日既表現(主動認錯) 看似又長大了。

今個農曆年我們都打算與往年一樣一家人結伴去旅行，但check個價錢好多地方都比平常貴1.5倍，真係令人難以接受。如果我們一行15人去的話，那加幅既 $ 相等於一個歐洲團團費。所以最終我們取消出埠，改到北望神州到最近既熱門地點位於大梅沙既”東部華僑城”。 

日期: 2月4日至5日

團員: 媽子，老大一家，老二一家，老三一家和四妹。合共11人

Package price: HK$2080

Package includes: 瀑布洒店1晚+來回車票+2天入場券

時間真係過得好快，WaiWai上學日子差不多有半年了，下星期就會完成上學期課程。記憶當中，WaiWai對上學沒有抗拒，只係開學第2個weeks 連續喊左幾日。

每朝清早7:45am起床，飲奶，梳洗，換校服，8:25am落樓等校車，12:00pm坐校車返到屋企樓下，天天如常。

自上學後，WaiWai學懂了紀律，禮貌和自理。如排隊，禮讓別人，與人分享，見人打招呼，自己進食，道謝，A-Z，1-10，COLORS, ANIMALS，辨字等。比起未上學前就係精叻左好多，多得學校老師功勞。希望WaiWai可以繼續努力學習，將來做個乖巧精靈既孩子。

自去年2月農曆年過後，很久沒有update呢個blog，皆因自己忙碌+懶惰。 每次回顧番呢個blog，睇番過往很多回憶，當中有苦有甜，所有回憶都很有意義。希望從今日起能的起心肝將呢個blog繼續延續下去。 請大家繼續支持我 ！

4日3夜厦門之旅，順利完成，Yeah ~  出發當日正是大年初一+西方情人節，超有意思！而且今次我地一行8人(我地一家3口、姑姐一家3口、婆婆and子珊)，人多熱鬧又好玩！ 

如我所料，帶着WaiWai去旅行做媽媽既我真係辛苦。還好的是WaiWai都聽話，媽媽辛苦都係值得既。

4日行程總算順順利利，WaiWai 表現Perfect，我地俾足99分，差那一分是WaiWai 有成3日無便便，到第3曰晚先有 *-*。 每日又晨早6:30 morning call ，WaiWai 都永無say no。Touchwood，WaiWai無水土不服，又一上機就瞓，瞓醒就落機，大部份時間肯自己行自己走。唯一美中不足就係當地天氣 ~ 落雨。 每晚返到酒店，WaiWai就嚷著要走去鄰房姨姨&婆婆到，實情係要係條走廊跑來跑去，周圍亂闖，我就做左看牛者跟出跟入。因為我地早吃晚飯，每日大約7:30返回洒店後我地就到附近supermarket買宵夜/零食，每次去旅行胃口特別大，食極食唔飽，可能係心情好胃口自然大啦！如是者我地晚晚玩到/食到12點幾先瞓。

自以為今次有媽子同行，WaiWai就可以跟婆婆同房瞓，我同大洪爸就可以2人世界，誰不知就係第一晚凌晨2點幾媽子來叩門話WaiWai係咁喊話要揾媽媽，oh my god，還以為今次可以脫身。從今次足以證明WaiWai與我是不可分隔的，應該是可喜的事，呵呵。 

出發之前自己一直擔心既問題，現在已不再是問題了，可以安心去計劃下一次行程啦！wakaka..

好早前姑姐已經提議今年農曆年結伴出外旅遊，我第一個舉脚贊成。今次我一定要帶WaiWai一齊去，WaiWai己經miss 左Bangkok trip，呢次一班人去(合共8人，包括婆婆在內) 人多好辨事，多個人幫我take care WaiWai我就少左個憂慮！始終1st time 帶WaiWai去只好選擇近既地方，大家都知農曆年去旅行係超貴，今年仲係超級貴，加幅係double 以上，仲要好多東南亞團都full左，唯有退求其次選擇返祖國。最後，我們選擇了離HK只需要1小時機程既厦門，天氣跟HK一樣，對首次出埠既WaiWai來講應該無難度。 團費4日3夜 $28xx/人(全包)，WaiWai只係計infant ticket $7xx，1家三口都係 $6xxx，算係經濟實恵。希望WaiWai係今次既first trip能夠聽教聽話和合作啦！

12月14日是我和大洪爸結婚3週年紀念 + WaiWai 16個月大！但完全估不到這一天我們會在醫院裡渡過！

成件事件是這樣的~上星期日晚去完街街返到屋企WaiWai就突然氣促，抖氣好辛苦，扭計又扭抱，我即刻帶WaiWai落樓下睇醫生，點知Sunday night 所有都off。最後係隔離村揾到，醫生話幫唔到我即刻寫紙叫我去睇急症，到左北區e院好快見到醫生，WaiWai要即刻聞氧氣、照X光(肺)，因為北區無兒科之後用救護車將WaiWai轉送那打素醫院兒科留院。到那打素馬上見專科醫生，醫生話WaiWai嚴重氣促coz氣管收縮，e生要用哮喘噴霧器將舒緩劑從口輸送到肺部，WaiWai一直掙扎，係咁翻身+手脚亂踢，最後要出動4個人按住佢，因為要肯定WaiWai吸到舒緩劑到肺部先叫有效，過程嚇到我半死，WaiWai俾噴霧器蓋住口鼻時曾一度缺氧，面青咀唇發紫。初步評估是支氣管氣，如果之後或大d再有similar case就可斷定為哮喘 (即係我遺傳左俾WaiWai)。

留院頭1日都要keep住聞氧氣+每1時噴舒緩劑，第2日病情好d就不用聞氧氣，每2時噴舒緩劑，到第3日即昨晚終可出院。經過整件事件，我發覺WaiWai在我生命中的重要性，那3日簡直是度日如年，我不知流了多少眼淚，WaiWai年紀細細就要受病痛之苦，作為孩子的媽媽我甚麼都做不到，只能在身邊陪伴著她，還好我身邊還有屋企人和一班好友給予我無限支持和安慰才能支撐下去，真的非常感謝你們。