最後我選了嘉德麗國際幼稚園，位於粉嶺中心，由屋企步行大約15mins，算係方便，即使日後亦有校車接送。學費 $2100 x 12個月，每期雜費$2000 x 2期，仲未計校服、書包，保守估計一年要成3萬幾。

在上個月學校Open day時我巳入紙報名，並約左上星期六interview，起初都有點兒擔心WaiWai 得個14個月就去interview，大家可想像到佢識幾多嘢，我唸連WaiWai自己都唔知道今日黎到學校做甚麼。 入到學校我先同WaiWai玩吓玩具，帶佢周圍行吓認識吓老師，同佢warm up 吓好讓佢稍後interview無咁緊張。 等左大約30mins，老師就嗌洪瑋遙。一開始老師問我點觧要揀呢間學校 (好彩我有準備) 又問我WaiWai同邊個住邊個湊？之後就叫WaiWai將d圖形放番相同圖形既位置，WaiWau唔肯放，係咁遞俾我同老師叫我地放，唉！我都唔知好嬲定好笑。接住老師拎個orange問WaiWai呢個係咩？ 我同老師講佢未識講，佢暫時只識叫mama ~ 到叫佢辦認colors，第一個都啱，到問第二個color佢就求其拎起個就掟，呢part扣硬分啦，真係俾WaiWai激死。 到老師叫佢指指頭頭，眼，耳，口，鼻，呢到就全中。 最後叫WaiWai錫錫mama、say byebye and飛吻，WaiWai都好聽話做足。 到起身離開座位時老師叫WaiWai泊埋張発発，嘩！WaiWai肯定未識啦，佢邊度夠力呀！成個過程大約25分鐘就完成。 臨走前，老師送了袋禮物內裡都是學校簡介，校刊，healthy food samples，搖鈐玩具等，最搞笑係老師親手交給WaiWai後，WaiWai二話不說就將袋禮物揹上膊頭慢慢步出課室。 

完成面試大約2個星期後 (即11月初) 就會收到學校來信通知是否被取錄，希望 可以一 take 過我就無需再為揾學校而去奔波。

今日是大洪爸3x歲生日快樂，我同WaiWai祝大洪爸

"年年有今日，歲歲有今朝"！

今年生曰撞啱在星期曰，所以我們一家三口決定入OCEAN PARK 玩一趟。 我們11點進場，玩到6:00pm離開。 WaiWai可以玩的機動遊戲，我們都玩齊哂，自己唯獨欠玩最愛的360過山車and海盜船。還有吃了從未食過如此昂貴的义雞飯 $65x2 + 凍O樂$35x2，一餐簡單lunch盛恵$200大元。 每次入到souvenir shop WaiWai都會攬著隻panda公仔唔肯放手，每次我倆都要施計氹佢放低。 於臨走那刻，我還是就範買了隻panda公仔($ 95 ) 給WaiWai作為紀念品，大洪爸解釋到好讓WaiWai長大後知道自己小時候也曾到過海洋公園一遊，看似頗有道理。

天氣開始轉涼，WaiWai 唔小心又著涼了~

昨日WaiWai開始勁打噴嚏、流鼻水，夜晚又鼻塞，係咁扭計連奶咀都唔要，到最後要跟我瞓，大洪爸就做左廳長，成晚我地一家三口都瞓得唔好。

而今朝有段趣事，WaiWai 每朝例必約7:30就起床，當佢步出睡房見到papa瞓在客廳，佢望住大洪爸然後手指指著睡房，原來意思係叫papa入房瞓，大洪爸接着拖住 WaiWai 步入睡房，爬上床跟papa一齊瞓，還跟papa係度玩點蟲蟲，蟲蟲飛。 WaiWai 開始越大越懂事，越大越精叻，但同時我亦希望她有健康既身體那就更完美了。

我一直係度唸WaiWai幾時會識叫我做 mama呢？我一直好期待！好早前婆婆己話我知，WaiWai一扭計或喊就會喊嗌 mama…mama。但我未親耳聽到，只係我每次叫 WaiWai 嗌我 mama既時侯，佢就會係度勁舔脷，一咀都係口水，超搞笑！ 我成日同WaiWai講唔好咁樣，醜怪呀！ 但佢就當我發嗡風，繼續舔脷，自己都唔知好嬲定好笑。 

Actually, WaiWai已經識辨別到屋企人各自身份，只差她未懂得講。到上星期大洪爸叫WaiWai拎本書書俾 mama，當WaiWai走到我身邊遞本書給我時她就叫咗聲 mama..mama..。 相反，叫佢拎嘢俾papa，嫲嫲or 婆婆….，佢唔會叫人喎。依家每次叫WaiWai拎嘢俾我時佢都會叫 mama..mama，我每次聽到都甜到入心 ^o^。下一步，期待佢識叫 papa！

三妹在9月24日終於誕下小寶寶，Baby是女孩子，重6.9磅，母女平安。

BB女也蠻漂亮的，有對烏黑的大眼睛，深深既雙眼皮，濃密的烏黑頭髮，幼長的手指，與BB家姐彤彤比較，妹妹漂亮得多。 以我有一年多凑B經驗，抱起初生BB仍有點手揗腳震，望著小BABY不自覺地令我回想起剛出世既WaiWai，經常乖乖在MAMA懷抱裡睡覺，食飽飽就瞓瞓飽又食，但此情境巳成過去，只能留在回憶之中。 

WaiWai現在已有2個表姐，依家又多左個表妹，剛巧湊成4朵金花，變成張氏第二代4朵金花，希望這4朵金花日後能健康成長，將來有一個快樂既人生。

話說星期日我們如常從粉嶺家帶WaiWai返婆婆屋企，在晚上婆婆準備較水同WaiWai沖涼之時，我嗌WaiWai去沖凉凉嘞！ WaiWai突然拉著我的手，還以為她如以往拖我入洗手間，原來她是走去拎発仔入洗手間給婆婆坐。我好surprise WaiWai有此舉動，印象中我地無人教過佢喎？ WaiWai你咁醒目既 ~ 你的觀察能力和模仿能力都好勁喎！ 屋企頓時多左個小幫手，Yeah！其實早於一星期前WaiWai巳經識自行將尿片丟入厨房垃圾筒內，還有搭返屋企時佢知道出lift是轉右邊。WaiWai真係開始成長和懂事，WaiWai你要繼續努力做個精叻活潑 BABY 吖！

琴日收到媽子來電話WaiWai終於識爬嘞！

話說係2個星期前WaiWai只係識向後爬，未懂向前爬，我仲好擔心同大洪爸講係咪佢身型大份唔夠力向前爬呀！估唔到2個星期後既今日就識，但爬得好慢不是好靈活，我想需要些時間緞練吧！下一步要學習獨立企，暫時企得還不夠穩陣，WaiWai你要繼續努力呀！