琴日收到媽子來電話WaiWai終於識爬嘞！

話說係2個星期前WaiWai只係識向後爬，未懂向前爬，我仲好擔心同大洪爸講係咪佢身型大份唔夠力向前爬呀！估唔到2個星期後既今日就識，但爬得好慢不是好靈活，我想需要些時間緞練吧！下一步要學習獨立企，暫時企得還不夠穩陣，WaiWai你要繼續努力呀！

踏入6月份係公司既peak season，超忙！今年生意會旺過往年，完全無受金融海嘯影响。對我黎講肯定係一個好消息，因為無裁員，無減薪，不過今年會做得好辛苦。日日我都摩打手係咁做係咁做，因為唔想OT，想第一時間收工回家見WaiWai。

10個月既WaiWai依家有4只牙仔，識自己扶住企起身、轉身、拍拍手、跳舞、用額頭同人錫錫 (尤其係baby boy 肯定來者不拒)、做拜拜 & Hello動作、雙手拖住人行等，但仲未識向前爬爬，淨係識向後爬。 最近坐學行車就越片越快，在婆婆家經常橫衝直撞，又喜歡追縱住我，我行去邊佢就追到去邊。隨著年紀長大，日間瞓覺越來越少，活動時間就相對多左，每朝又例必6點幾就起身，婆婆湊佢就越來越吃力。

仲有2個月WaiWai就一歲，我地一家3口係baby kingdom 0808mama會join左個慶祝1歲生日party在黄金海岸hotel舉行，全部都係2008年8月出世既baby 。希望到時有個難忘既生日派對！

一直期待已久的東西終於出現了……… 

那就是“WaiWai終於出牙仔嘞”！ 

我一直以來都擔心為何9個月既WaiWai仲未出牙仔呢？ 與她同年紀的差不多都出，最多的有成4隻，最少都有2隻。直至上星期我發現WaiWai的上下排牙肉門牙位置各有一隻牙仔出現，這一新發現頓時令我這個心急媽媽頓時放下心頭大石。

自從有左WaiWai後我就覺得戴眼鏡非常麻煩，抱住她經常郁來郁去大家就會有踫撞，每次撞親WaiWai她都會嘩嘩大叫！差不多每日半夜又要摸黑找眼鏡戴去看她，平日我又懶得戴隱形眼鏡，最終還是用金錢來解決問題。

眼見身邊好多近視朋友包括自己妹妹都陸陸續續去做激光矯視手術，手術成功率仲係百份百。呢種手術越來越普及，價錢亦相應越來越平，最終我這個大近視mama (實情只有5百幾近視 + 250度散光) 都按耐不住要去做呢個手術。 手術在5月15日進行，度眼，手術講解，進行手術，手術後休息前後合共2個半小時完成，手術過程無任何痛楚，埋單盛惠$18,000大元。 回家休息4個小時後一覺醒來睜開雙眼望得一清二楚，那種感覺真爽。 第2天回去診所覆診，手術過後雙眼只剩餘25度近視，效果極佳！

好辛運地WaiWai自出娘胎都末曾試過發燒，但今天我放工返到屋企就收到婆婆bad news話WaiWai發燒有38.3度。

此度數未到高燒範圍，所以我們用傳统方法幫她貼退熱貼，用暖水抹身，開大風扇，飲多暖水來降温。還好的是她精神狀態良好，食得瞓得又玩得，開心指數極高 (還是經常e起個咀仔笑，玩拍拍手，聽歌跳舞)，見到佢有這些表現我都放心啲。 WaiWai突然發燒+肚瀉現象，我們猜測她可能是吽牙。

直至第2天WaiWai跟平日一樣晨早6點幾起身後，食左第一餐，仲坐左係大廳睇DVD和玩玩具，但她的燒仍然維持在38.3 – 39.4度，完全無退過，所以我們再次俾退燒水佢飲希望可以減退。唉！作為mama的我心情當然不好疋過，整日在office既心情好down，好擔心佢越燒越高。我大約每隔2hours就打返去update佢既情況，但給我的答案還是未退燒。我去諮詢班0808 mama意見，佢地猜測是出玫瑰疹 (大部份BB都會有，正常發燒3日後身體上呈現紅色一點點)。她們還是suggest我帶WaiWai去睇e生，發燒可大可小叫我不可輕視。整個晚上我都瞓得唔好，半夜醒了幾次起身同WaiWai量體温/抹身/餵藥，温度仍屬高燒，所以我決意明天帶WaiWai去睇睇Dr.Lee。

到第3天早上，我如常走入WaiWai房看她，她食住奶咀半睡半醒，樣子悶悶不樂，頭仔/頸仔仍很燙手，5安半奶奶飲剩一半。之後，我就吩咐婆婆帶她去見Dr.Lee，最後得出結果係喉嚨發炎，並預計在第3天發燒過後會出玫瑰疹，體重還輕了一磅。希望WaiWai出左玫瑰疹後就完全無事，papamama每見到你生病既樣子就很心痛，完全感受到痛在你身痛在我心。

8個月的Wai Wai巳有23磅，仍屬大碼BB，每4個鐘飲5.5oz奶另加一餐糊仔/粥仔，別號仍叫小胖胖。

WaiWai，現在 : 

-         仍未識轉身，要旁人協助借力給她，難道是受她的龐大體形影响？！

-         仍未有牙仔出現，人地話越遲出越好，一來唔駛咁早就受吽牙既痛苦(肚瀉、發燒、流口水)，二來迷信說法就係早出牙就辛苦命。但識得一位同月同日生既Baby boy佢已有4隻牙仔了。

-         仍未識向前爬，每次跟WaiWai練習，她就扒左係地下，原地轉圈，雙手跟雙腳完全唔夠力將自己推行。玩唔夠5mins就大叫大嚷要我將她抱起身。

-         識拍拍手。起初我是捉著她雙手教她，邊拍手邊唱拍拍手歌“拍拍手，我地拍拍手，拍拍手，我地一齊拍拍手啦！久而久之，就學識左。依家只要叫WaiWai拍拍手，佢就會不停係度拍拍，拍到好大聲。

-         識坐，仲要係坐得好穩，腰好直。

-         識自己揸奶樽飲奶奶。

-         肯坐potty 疴poo poo。

-         自己坐定定睇DVD。聽到歌歌仲會前後擺動個身跳舞，樣子很搞笑，每次看她跳舞都逗到我們一家狂笑。

-         扶著床邊/椅把學企企，仍有點不穩，有待再練習。

-         識坐學行車周圍走(向前、後、左、右)走動。

-         超為食，所有能吃的食物都愛吃。

-         勁黐mama身，一見mama就要扭抱抱，其它人都不要。

下一步，我希望WaiWai學識叫媽媽。

對上次一次旅行巳是舊年年頭既事，目的地是日本，那時陀住小B 兩個幾月。

直至WaiWai出世至今7個多月大我一直好想同大洪爸爸再去旅行，暫時離開這個生活緊張工作壓力大既地方，去玩吓輕鬆吓，奈何今日巳為人母既我又唔捨得丟底女兒，因為她巳是我的所有，每分每秒都很掛住她，每日可以全程對著她，你話有多好呢。相信帶住BB去旅行要是坐飛機或長途車肯定有很大難度，去到它方又怕水士不服，萬一BB身體唔舒服就會影嚮唒成個旅程和大家既心情，開心事變成一件苦事。 

最後，為咗解決旅行心癮我們選擇了上星期6到就近既地方“廣州”2天遊，今次聯同基基&寶寶兩夫婦一齊去吃、喝、玩、樂。 即使是2日短短既行程，對我來說都是一個大解放！雖然WaiWai沒有與我們同行，但雲妮媽媽也沒有忘記WaiWai你，還買了衫仔鞋仔給你呢！

星期三跟Amy,Diana,Kathy & Linda dinner慶祝我的生日時，Kathy姨姨推介我東x堂新出品流心芒果moose cake，今曰下午收工便特意買來慶祝WaiWai七個月大生日，同時又可以滿足我呢個為食媽媽。蛋糕賣相不吸引，沒有任何decoration，外層鋪住一片片新鮮芒果肉，中間只有半粒strawberry作點綴，起初還擔心芒果會酸 (因現在還未係當做季節)，相反芒果好鮮甜。 內層既芒果moose好有芒果味，不造作。 我最愛還是那“流心”(類似酒樓食既流沙奶王飽咁) 用刀一切開蛋糕內裡既流心即芒果汁並帶有一粒粒既芒果肉即一湧而至，名副其實的“流心”蛋糕。本人一連吃了兩件，WaiWai眼定定很好奇咁望住個cake，大洪爸忍唔住都俾左兩嗒WaiWai食。

雲妮媽highly recommend此流心芒果蛋糕，大家不妨買來一試。HSBC visa card優惠價$108，超抵食！

經過今次教訓我倆以後會特別小心！

事沿係Saturday去完Auntie Pravena 屋企後再落咗Shatin行街街返到屋企(10pm)就馬上同WaiWai沖涼，沖好後我就順便手洗埋WaiWai啲衫，咁咪叫大洪爸爸睇住WaiWai先。點知佢又心急想快啲裝好新買回來的高清手指，咁佢咪放WaiWai落BB車坐自己玩，但佢又懶到無同WaiWai戴上安全帶又粗心大意到無lock 好車頭條橫帶。 6個幾月大既WaiWai依家鍾意坐直個身，但腰又未夠力，個身有少少向前傾，在無seat belt情況下咪“鍾”左落地囉！我當時剛好洗完衫步出洗手間就咁啱那一刻睇住WaiWai跌落地下，我想接住都黎唔切。WaiWai頭仔肯定好痛痛，把喊聲喊得好淒涼，間中仲係度抽泣，雲妮媽媽真係好心痛，大洪爸爸亦好內疚自己無好好睇住WaiWai *-*

WaiWai可能知道係大洪爸爸整跌佢，每當大洪爸爸一抱佢就喊，最後經我又氹又呵之下WaiWai好快就瞓著了。但整個晚上我和大洪爸爸都瞓得很不安樂。