曾幾何時我被公司一女事笑我是慳妹一名.事緣佢見我仲用緊舊款既Nokia60xx型號手機就已認定我係慳家之人.部手機好好又無壞無理由下下跟潮流轉款呀!我將呢件事話俾Marco哥知.佢第一反應就話節儉是種美德.我當然同意啦!只不過相比同事用緊手機我果部又真係…….(其實Marco用緊既手機比我那部更舊款更老爺!)

最近我知道Marco哥私底下留意緊呢排有那款新型號手機推出.因為佢打算替我換過部新手機.而我那部就轉給他用.佢話咁樣做簡直係兩全其美啦!但一講到要掏荷包去買部新的我又有點不情願.不過Marco哥話係佢送俾我喎.佢既錢咪即刻我既 錢.算啦!佢知我呢排心情唔好,買樣禮物乙水下自己開心.就係咁樣上星期便買了佢自己一直想買既HTC PDA phone俾我.呢部機集多功能於一身所以先會賣得咁貴要成$36xx.連我我細妹都估唔到我俾Marco買.大家可想而知我係幾慳家. 自從用佐部新手機後佢就成日問我.咦,你公司果位女同事有無見到我部新手機呀!無呀!無理由刻意係人面前炫耀.好幼稚呀!其實係某日早上我同事已見到部手機仲讚不絕口羨慕我老公對我咁好添!Marco哥,我今次終於威番次!哈哈!!!

Renee

終於處理晒所有事情了,我倆終可鬆一口氣.相信今個週未終可以休息一下吧!

話咁快就過了一個月.每年一到七，八月就覺得很難熬.呢兩個月一天公眾假期都沒有.切切實實地返足一個月工認真辛苦.今年又發生這些不幸的事對我倆黎講日子就更加難渡過,心靈和肉體上受盡折磨.慶幸地我倆在那階段能互相支持和安慰對方.再加上我身邊一班朋友的支持.她們知道我平日一個人會悶就抽空陪我吃晚飯睇戲來打發時間.讓我分散下注意力唔好唸太多唔開心既事情.今時今日令我更明白到友情可貴.朋友除了分享喜與樂亦要懂得分擔她的悲與哀.

Renee

有 一 位 智 者 曾 經 說 過 ： 「 太 多 的 思 念 和 悲 哀 ， 會 把 過 去 的 人 緊 緊 抓 住 ， 令 他 不 能 早 點 到 達 極 樂 世 界 。 」

當 眼 淚 過 後 ， 請 堅 強 地 活 下 去 ！

‧    生有時死有時

‧    笑有時哭有時

‧    聚有時散有時

‧    歡樂有時悲傷有時

‧    開心有時傷心有時

最近負面既事通通衝向我而來,真的令我透不過氣.差點兒要窒息過來.正因為不如意既事接踵而來心情自不然大受影響.做起事上來總是提不起勁,個人總是沒精打彩,連說話都不想多講一句.開心指數近乎零.心情起伏亦相當大好比最近波幅甚大的股票市場.別人心情差自然胃口差我就相反心情差胃口特別大,這是否應驗所謂發悲憤為食量,我估最近體重有可能已重了幾斤呢!

我經常同自己講要樂觀去面對,但係講就容易到做就真係好難.人是否要經歷過不同階段親嘗甜酸苦辣既滋味先能令略到當中既滋味.吸取經驗和教訓先會學懂珍惜身邊一切.俗話有話:人生在世不如事十常八九.我經常用這句話來安慰身邊既人相反我自己又如何懂得去安慰自己呢?

Renee