今天我終於買了這份禮物給自己! 

在畢業後出來工作的第二年已經好想買來獎勵自己,但一直都唔捨得掏荷包.我想買那型號由當初售賣8 仟幾到今時今日升值幾倍,自己都無時無刻在考慮當中.久不久行街經過金鋪就望一望,每次都係得個睇字,身邊屋企人和朋友都鼓勵我買.阿媽和Marco話送俾我,我都唔要,既然係自己所愛理應用自己錢去買.年復年年,直至昨天晚飯完在Shatin新城市行經周x福又去睇睇,當時有位Sales講下星期一起加價8%.唔係嘛又加價…篤篤計算機加成差不多$2700. 身邊既Marco就不停勸我買啦!買啦!唔買都可以走入去試吓!可能好多人知道將要加價,所以今日黎睇既人都特別多.我試戴上手真係越睇越鍾意越睇越想得到.口甜舌滑既Sales就落足咀頭叫我買,又話難得揀到心頭好.我沒有即時make decision.我怕自己一時衝動做錯決定後侮,因為value唔細discount後都要$31xxx(夠倆個人去歐洲呢).所以我要俾一晚時間自己想清楚.就係昨天一個晚上我諮詢了全家人意見她們都一致push我’買’. 最令我感動既係她們除了精神上支持我之外還提議夾錢送給我,那刻感動得流下眼淚來. 

今天飲早茶睇報紙見到有報道講多款歐洲品牌手袋/名錶將於明天起加價6-8%(原因係歐元升值).擺明居馬要加價啦.唉!既然遲早都會買,就不要吃眼前虧係加價前買咗佢一了百了.因此,我們飲完早茶後便馬上出動.我已選定自己心儀款式.現在要考慮係那間代理會offer more discount. 我們先到了TST英X鐘錶行和Rolex專門店,我要那款式它們都沒有折扣優惠.其它金鋪不是無折扣就係無貨.當時Marco既心情比我還要心急.因為佢擔心我今天買唔到會埋怨佢.我地選擇只有兩個1)周x福: 同系列最新型号but 只有5% off, 2)太X鐘錶: 有15% off,同系列但舊型号.兩者之間價錢就相差$33xx.那一刻我就猶豫買邊一間.Marco給我意見是寧買貴莫買錯.老公又講得幾有道理喎.自己既然決定了就不要吝嗇那3仟多元吧!到最後我們返回周x福買了自己一直夢寐以求的dream watch. 

Renee

今天晚上我同Marco在沙田UCC Cafe吃晚飯慶祝他的生日.今年我沒有準備生曰蛋糕,反之我買了一份名貴禮物(LV銀包)給他.這份禮物我早於半年前己準備好了.每當要唸買什麼生日禮物既時侯就非常頭痛,最實際就是揀選常用/耐用物品.所以今年我又揀選了銀包只不過今次我落重成本. 在晚飯席間,我將禮物送給他,他感到非席意外和興奮.無唸到平時好慳家既老婆會捨得買個咁名貴既銀包俾佢. 但係老公,我想話你知.錢對我黎講係重要但係親情更重要.只要唔係揮霍,用得有價值使些少錢又有什麼所謂呢!這番話你以前都同我講過,你忘記咗呀!其實相比你以前送我既,呢份禮物簡直係微不足道啦!所以,請笑納啦!哈哈! 

今天除了Marco收到我給他的驚喜外,Marco亦為我帶來了意外大驚喜.早前,他聽聞公司會發放特別獎金給員工(因工程比預期早咗完成).但一直就只聞樓梯聲.到今日下午Marco收到公司大信封告知有關獎金會於今個月尾發放,數目接近一個月人工.我聽到後簡直開心到成個彈起!攬住Marco係咁錫!錫!錫! 每次我聽到錢呢個字好似發咗顛咁,我呢種反應Marco早己見慣見熟,每次都叫我calm down calm down. 好~攪~笑!!! 

Renee

各位! 

今天是我老公大人的3X歲(秘密)生日.在此,祝願洪生: 

年年有今日, 歲歲有今朝! 最緊要係身體健康! 

為免身在澳門上班既洪生舟車勞頓今天他不會返來HK慶祝,我們協議待今個星期六放工後才補慶祝呢個大日子. 

洪生,星期六你將會收到重大驚喜 . Be patient!!! 

Renee

我們早上八點起身如常到樓下Five Sails食早餐, 今天特別要求Waiter安排我們坐泳池旁既位置.因為游泳池對出就係海灘,在藍藍天空下,對着一望無際既大海,享受豐富既靚早餐,簡直係人生一大樂事.今天我沒有安排任何活動.食完早餐我們就到泳池游水,哂下太陽.吹下海風.見到有幾個韓國女仔走落海灘餵魚,我又湊熱鬧去睇下.點知有個韓國女仔主動share個面包俾我一齊餵.我學佢地咁揸住面包潛落水底餵魚,魚就會跟住你個面包游來游去,好好玩!之後佢地仲出動埋香蕉,魚仔又肯食,好鬼攪笑!!! 

玩到大約12點,我們就返房收拾行李check-out.因為離回程班機時間還有大半天,所以我們將行李暫放在 concierge,然後又坐shuttle bus出市中心.午餐我們又吃海南鷄飯.但今天光顧的是在Central Point底層food court. 呢間既海南鷄既鷄肉不及’味雅’既咁滑.今次終可試飲本地奶茶,呢度既奶茶口感真係好滑,而且好有茶味.令你一飲想再飲.整個旅程我都無買份紀念品給自己(反而Marco就買咗件FILA polo shirt).所以我要再逛吓商場,睇吓有無漏網之魚.最後,我還是空手而回. 我們大約4點多鐘返到酒店原本打算到酒店旁既碼頭餵魚.點知突然落起塲大雨,啲魚仔都游走哂啦.最後還是失望而回. 

司機準時6點到酒店pick up我們到機場.整個沙巴機場只有8個check-in counters. 大家可想而知個機場幾簡陋.在機場商店我買了兩盒(24pcs)雪條(只有大樹波蘿和紅豆味)返香港做手信.今次4天沙巴之旅咁快就完結了.短短既4日行程看似沒什麽精彩活動,但感覺來得輕鬆寫意,完全忘卻在香港所有生活壓力.真的希望往後既曰子能保持狀態再向世界出發.

Renee

今天一早6:15起身梳洗完便馬上孭起背囊衝落樓下’Five Sails’食早餐.急急腳食了大半個小時後我們便在酒店lobby等侯.接待我們的導遊Mike準時到達,我們一見面佢就話今天有可能不成團(要湊夠10人).我聽到好唔開心,去不成便打亂了我們的計劃.當時只欠4個人.只要去埋另外兩間酒店順利pick-up埋兩pairs人就OK.最後真的湊夠了10人.另了我倆係Chinese其余6位都是外國人.難為了導遊經常轉channel.好啦!我們要正式出發.往神山全程車程時間約2個半小時.行車途中,導遊介紹四周環境和名勝.中途,司機讓我們在途中油站小解(因之後車程中途無洗手間).正當此時候, Mike收到公司電話告知上神山條路封咗因為昨晚埸大雨引發 山泥傾瀉.現埸交通大擠塞汔車根本無法向前行.唉!點解會一波三折?那即是行程要取消啦!在我們立埸上當然係以安全為先.既然不幸遇上天災都無辨法係大家意料之外.還好的是我們剛出只是坐了半小時多車程. 最後原車返酒店.上不了神山真有點失望. 原定行程既然告吹了,今天剩余時間我們就認認真真參觀我們所住的resort影下相.

到中午時間出市區吃午飯,我們把握今天時間試哂所有當地美食.第一站:Central Point商埸地庫食印度pizza (導遊Mike介紹).我地order一客鷄肉pizza+大椰青+木瓜奶.又真係幾有地道風味.之後係商埸逛逛後去咗間按摩中心做massage輕鬆下不過手勢一般. 第二站要去食係一間叫”味雅”食海南雞飯,個個去完沙巴都話個度海南雞飯超正喎,咁當然要去試下啦.我地只叫左一客海南雞飯,一杯桔仔冰(留定肚食下一歺).個飯真係幾好食,雞肉好滑好滑,不過份量細左啲.同價錢成正比呢歺只不過RM6.30第三站要食係馬來西亞出名既肉骨茶鋪頭名”廣東仔”,去到巳經見到有3圍香港人係度食緊.我地order咗一燙(二人份量)+兩杯桔仔冰.個肉骨茶好重藥材味. 

食飽飽後見時間尚早,坐shuttle bus返酒店游水.游咗一個鐘頭左右返房冲過靚凉又出動去是食今天海鮮晚餐.間酒樓名”雙天”又係網友介紹,地方好大但食客不多.今歺Marco話要食龍蝦(上湯煮),我就order了兩隻炸軟殼蟹+炒暮仔菜.呢歺頗貴要成RM162 (HK$400)主要貴咗只龍蝦,成歺味道OK.但係海鮮種類無’海王城’咁多.大約食到晚上9點便坐Taxi返酒店要收拾行李明天回程返HK.

食飽飽後,我們走去隔離既Wawasan Plaza supermarket買零食和飲品返酒店.每次一去旅行特別易口痕,胃口又特別好,唔知大家有無呢個同感呢!

因此飯店位於海邊,面對著南中國海,黃昏時間可以欣賞夕陽美景(要明天先可以睇到),向著海的對面就是由五個島嶼組成的東姑阿都拉曼國家公園,明天我們就要去這個海上樂園遊覽.

我們的沙巴之旅明天就要出發了!!!心情既興奮又緊張.數月來從未如此開心過!

現在仍努力執拾行李.還好的是我己遍排好了四天唉!仲要執埋老公個份.Marco哥就簡單利落(男仔可以隨意帶T-shirt短褲)女仔就姿整一點因為要影靚相(靚景+靚人).執吓執吓就執了一大堆衫褲,好難揀呀!

Marco哥說: 你去做show呀!

我即答: 我係去做你model啫.影靚相嘛!

衣服,鞋襪,游泳衣,潛水鏡,snorkel,日用品(防曬 lotion必帶.因為好多人去完沙巴返黎都曬到黑黑).到最後,我們執咗一喼一背囊的行李!

返黎再跟各位分享我們的遊記啦!

Renee

呢個月公司開始踏入淡季,我亦相對沒有早幾個月咁忙(早前簡直係忙到顛,皆因公司生意額越來越大,做既同事又只得我們五個,各人唯有頂硬上啦!)得閒無野做咪係度篤吓手指.經常性走去Pantry斟水,去洗水間磨吓時間等.唯有咁做時間先快些過. 

仲有兩個多星期就出發去”沙巴”旅行,心情就肯定興奮又緊張啦.其實今年農曆年已打算係去沙巴,但假期Package價錢比平日貴一倍,所以後來取而代之選擇了去”布吉”. 最近我找回年頭已搜集得來的沙巴旅遊資料做準備,開始計劃我們自編自導自演的沙巴行程.係公司閒時上網瀏覽其它人的旅遊歷程,参考一下他們推介的吃喝玩樂好去處.作為自遊人的我,這些功夫必須準備充足.我至今搜集得來的資料寫滿足足有8頁紙了.(日後有興趣去沙巴既朋友,可以向我索取有關資料呀!)其實今次行程我們同樣跟以往一樣主攻吃喝,我知道當地出名食海鮮(又平又抵食).至啱愛吃海鮮的Marco哥和為食的我.暫時我在行程表上已plan了要到四間海鮮酒家+1晚酒店buffet 等等.而玩樂方面會到外灘Sun & Sea,玩浮潛,餵魚等,還有乘船遊紅樹林日間睇長鼻猴,夜晚睇萤火蟲.最後我要考慮係玩唔玩激流,我聽人講非玩不可,好剌激,玩完必令你畢生難忘.但係我知道越剌激好玩相對危險性越高. Marco哥就無所謂可玩可不玩,佢無野驚,最驚只係老婆大人我喎!呢項高危活動我都要再三思三思. 

Renee