今天是12月30日.我很高興終於可以等到今天的來臨見證兩位好友的結婚大喜日子. 一年多前我呢位媒人婆又再發揮我的小宇宙力量玩撮合.某年某月某日的一餐晚飯介紹他們雙方認識,就從那天起他們便開始發展,我已心中有數他倆會來到今天.總算沒有白廢我當初的苦心安排,真實和恆久的愛倩今天終於開花結果. 

今天這對新人比任何人更漂亮更登對,簡直係羨剎旁人.無一不投以羨慕的眼光.在註冊處看見他們為對方許下承諾.真的令人感動.一向眼淺的我又忍不住流下淚來,好彩老公無見到如果唔係又笑我啦!

在此我們再三祝福基基和寶寳百年好合,永結同! 

Renee

多年前已答應了一位好朋友陪她去聽劉華演唱會.昨天晚上終於兌現承諾.

自問自己不是劉華fans,家裡也沒有他任何一隻CD.反而黎天王的我就收藏了好幾隻.中學時期,我鍾情黎天王,自然成為了劉華的敵對,對他的所有自不然生忌.明明劉華既歌藝唱得好,演技一流,我都自己呃自己咁話好一般啫,始終都不及天濛光好(黎天王筆名).依家想起自己呢種行為都幾幼稚,低能.行為極之膚淺.昨晚聽完劉華演唱會後真的令我對他刮目相看,他的現場表演簡直一流,除了他的歌技外他的舞藝也令人目不暇給.又會帶起現場氣氛.他如以往一樣常讚自己靚仔(救命呀!)但事實上又真係靚仔既,年紀越大仲越有男人味添.他是繼草蜢,Lesile,Chris Wong後我最愛聽既演唱場,難怪他的concert場場爆滿.我身邊既朋友都羨慕我可以訂購到他的門票.(都係多得我妹妹幫我馬拉松式狂打電話去訂購).

回想起昨晚演唱會當中令我印象最深刻既一首歌,當中歌詞: 

如清風可告知,如天空可告知,懇請你萬里送上我心事

如寫的千句詩,萬個愛你的字,交給你可不可以. 

Renee

有好幾年沒有跟一大班朋友開聖誕派對了.好開心今年老同學Diana邀請我們25號到她家開party和交換聖誕禮物.想起買禮物就有點頭痛,要揀份合人家心水禮物真的很難.到最後,Marco竟然揀選了自己喜歡飲的紅酒和酒心朱古力用作交換禮物,博自己抽中,真係俾佢激死! 

今天Diana準備了很多美食款待我們,簡直係Yummy Yummy.我們10數人再加兩位分別只有四個和兩個月既Baby boy and Baby girl参加今次派對.今天玩得很開心除了可以跟一班朋友聚舊外,自己又大吃大喝一頓.非常滿足.我又跟兩個小baby玩,逗他們開心.看朋友幫BB沖涼.餵奶.親身目睹兩位朋友由拕BB到依家BB出世,我完全感受到做媽媽既偉大.睇見佢地咁開心,自己都好想好似佢地咁可以有個熱熱鬧鬧既大家庭.希望在明天!  

我們首個結婚一週年紀念,沒有鮮花也沒有禮物.只有一頓浪漫的燭光晚餐!

P.S.好開心和感謝3位朋友仍記得今天是我們的結婚週年,來電祝賀.深表感動! 

人生在世要慶祝的日子實在太多,就讓我數數吧!

拍拖既時候要慶祝

拍拖紀念日雙方的生日倩 人 節聖 誕 節 

到了結婚又要慶祝

結婚紀念日雙方阿爸阿媽姨媽姑姐阿叔阿嬸兄弟姐妹既生日 

生了小孩子後又要慶祝

Baby既生日……… 

真係沒完沒了.要慶祝的日子真係好多.現在盡可能將某些節日盡量簡化,不會像以前般又有鮮花,賀咭,送禮物,吃飯等.但久不久仍要有些倩趣,來一點火花,否則生活就變得苦悶和乏味. 咦! 順道可以提醒下我的上夫大人! 

Renee

還有三日就是我倆的結婚一週年紀念.話咁快就一年了.在這一年發生的事很多,有開心有唔開心. 開心既事我一直留在記憶中,唔開心既我已恨恨的將它揮走,如垃圾般化為灰燼.一年的婚姻生活我覺得自己變得成熟,學會了獨立,有責任感.除了照顧自己家人之餘也學會照顧另一半既家人.還有多了體諒身邊人既感受和學會了包容別人.但仍有一樣自己仍在努力學的是去欣賞別人.  

未來一年大計我要認真地和老公計劃下,除了造人大計外還有數不完的鴻圖大計.哈哈! 

但肯定的是往後每年我們仍會繼續努力去創造更幸福,美滿的大家庭,衷心希望身邊既家人和朋友繼續祝福我們!

Thanks so much !  Renee

今天是妹夫生曰,今年二妹Pinky要達成他的童年願望,好簡單的一個願望,就是在McDonald舉行生日會.今天Pinky要給他一個意外驚喜,我們所有人都要為他保守呢個秘密. 

還以為在McDonald慶祝生日只係小朋友的權利.原來大人年齡大到100歲都可以,當然大人既生日派對自然跟小朋友既生日派對玩法不同啦!難道要我們一大班大朋友跟主角返老還童玩小朋友既集體遊戲?自己從未参與過 McDonald生日會,見人玩見得多,今天終可一試,籍今趟機會重拾童真.今天出席者大多是超齡人士(包括我在內),耆英一族(老媽子,姑姐姑丈,妹夫Friends等).年紀最細就莫過於我只有兩歲半的兒甥女嵐嵐和4歲的姪兒鴻仔.相信今天除咗男主角最開心外,其次肯定兩位小朋友嵐嵐和鴻仔是也. McDonald肯定是每位小朋友既dream place.在我童年時去McDonald簡直是一項奢侈品,可想而知當今既小朋友有多幸福呢. 

每個人都有他的童年願望,你的童年願望又是甚麼呢?

Renee