February 2008 (歡迎來到大洪之家~)

Renee | 25th Feb 2008 | 小B成長篇 | (93 Reads)

各位老友記,

我有要事宣告!我和Marco開始踏入人生第二階段了,我倆快將做人爸爸媽媽啦!中國傳统BB未夠3個月怕小氣所以要到今天才向大家宣佈,請別見怪!我倆的愛情結皛品將於今年的8月尾出世,非常期待他/她的來臨!!!我希望將我從懷孕初期直到BB出世整個成長過程在此處同大家分享和交流…

2月20日

今天去威院做一站式唐氏綜合症簡稱Oscar,過程非常順利,BB依家有13weeks+2days.長度有7.6cm.醫生播BB心跳聲俾我聽,卟!卟!卟!卟!好得意!照ultra sound時,醫生好難先度到BB頸皮厚度,因為BB好百厭成日係度倒豎葱,不停郁,好搞笑..係screen仲清楚見到BB手指脚指.最後我問了醫生係仔仔定女女,佢又係話未必準架!因為BB不時係度倒豎葱双脚又檔住重要部位.醫生先問我鍾意仔定女,我話無所謂!咁佢就話睇暫時係女,得60%準.我聽到係女.我啲眼淚就忍唔住湧出黎.(因為我比較鍾意仔多啲).醫生見我咁激動就話: 早知唔話我知!又安慰我話又唔係屋企人俾壓力你,叫我唔好俾壓力自己,如果換轉係佢佢都寧願生女喎!最重要係BB健康.又話佢估6成係女即又4成機會係錯啦!叫我唔好信佢!我知醫生係想安撫我,但係你都話係6成,唔信醫生你可信邊個!最後佢見我唔開心,送了兩張照到BB番根斗和照到BB手指的ultra sound photo給我.真係估唔到自己當時咁水皮,忍不住喊咗出黎,好羞家.回想番,其實仔/女都無謂,都係自己既.最緊要係BB健康快樂地成長.

等了大約30mins,Oscar報告出黎係屬低風險.安心哂!

出咗病房,第一時間打電話俾Marco知結果和在病房的瘀皮事又忍唔住喊出黎不過今次係笑住喊出黎!

1月26日

今日好開心Marco放了一天假可以陪我去做檢查.今次係Marco第一次見到BB,心情既興奮又緊張.医生話BB好健康,依家有2.86cm長.我地係screen隱約睇到BB人形.仲睇到BB一卟一卟心跳,果一刻的我真係很感動.医生話我依家既狀況下星期去旅行係無問題,只要唔好咁操勞,唔好食生冷嘢,唔好浸温泉,咁就ok!!!有什麼唔舒服(傷風感冒)就食panadol.

去旅行既心情終於湧現哂出黎!明天要去辨年貨,添新裝迎接鼠年既來臨!

1月23日

呢兩日起身都勁頭暈,天旋地轉,想作嘔.早前做婚前檢查時医生已話我有貧血.所以今早起身即刻食粒糖,點知反效果,臨出門口前係咁嘔,嘔,嘔.但係嘔完後舒服了很多.今次係我有BB以黎第一次嘔,感覺認真辛苦.呢個星期天氣涼了很多,真的要好好保重身體,自己免受著涼,不想令BB無辜受苦.

1月11日

今天BB已有7週半了.因政府暫時未能提供照超聲波給我.我人比較心急所以今天我走去睇私家照超聲波,睇BB現狀如何? BB都OK.有心跳.長度有1.1cm(忘記問醫生是否正常,佢無講我估係正常啩!) 係電腦螢光幕見到BB小如科豆般,好得意!醫生仲print out張照片給我留底.診金要$500+$140兩星期安胎藥.佢叫我兩星期後26/1再去覆診.經過檢查後,佢計算我預產期會遲到8月尾9月頭.(原先估計8月25日)

我問醫生懷孕初期是否適合去旅行?佢即刻答我最好唔好去啦!萬一坐飛機見’紅’點算?我話我報咗名交咗deposit成$4000啦!佢話兩星期後去覆診先再考慮去唔去啦!唉!我next Monday要交旅行尾數依家都唔知點算好去定唔去?我星期二去Fanling健康院時問過醫生佢又話去旅行完全無問題喎,派哂定心丸.點解啲醫生講既嘢都唔同既?煩腦中!

2008年1月8日

今天晨早8:00便到粉嶺健康院排隊取籌.今天是首次到健康院檢查內容包括驗尿,度高,磅重,量血壓,見護士,見醫生,抽血. 佢地會直接refer孕婦到威爾斯再做產檢.下次到威爾斯產檢時間2月19日(希望到時佢幫我照ultra sound,否則每次去私家照收成$500,超貴!)黎緊1月13日要去照Oscar(唐氏綜合症)又要使成$1300.生個BB眞係使唔少錢,簡直是一項長遠投資.

2007年12月28曰

今天早上沒有上班,因感冒末清又不敢亂吃成藥所以今早去看医生順道驗孕寫医生證明.医生告知我已懷孕5週.預產期8月25日.如果可以遲3天便是2008年8月28日就好,勁好意頭.呢幾星期都經常肚痛医生話可能是胚胎正種植當中,佢refer我去睇婦產專科.當医生證實我有了身孕,心情真的又驚又喜. 喜:當然係小生命的來臨,我們的小家庭即將变成大家庭了.驚:因為自知自己身體體質一向不好,怕負擔不來.先天供給不了優良體質給BB,唯有靠後天補救.現階段盡量食多些營養食品,吸收多些維他命. 另一令我擔心就是剛在24日報了名去日本,依家有了BB去旅行怕動了胎氣.但係旅行方面我又給了訂金無理由撻訂成$4000.Marco話唔緊要只要我小心佢又係身邊照顧我應該無問題,叫我唔好緊張.唯有見步行步啦.

中國人傳统話懐孕未夠3個月不可外向公佈,怕BB小氣.所以呢兩個幾月都要保守秘密.

12月26日

今天晚上用了妹妹給我另一牌子TEST TUBE再一試,OH!!! 我有咗呀!第一時間俾Marco睇一再幫我證實,真係無錯.我有了BB呀!點算好,好驚好驚.下一步應該點做,自己又完全無經驗.唸起都頭痛.我就不知所措,相反Marco就歡喜若狂還有點兒沾沾自喜.限做爸爸已很久,終於得償所願.我還是改天找醫生再檢驗證實一下.

留言(6) | 引用(0)

日本東京+日光之旅 2008 ~ 完

Renee | 11th Feb 2008 | 旅遊篇 | (8 Reads)

快樂既時間永遠都係過得咁快!今天己是行程的最後一天.我跟Marco都非常唔捨得離開.

2月8日 ~ 日本之旅第五天

今天我們早了半個鐘到樓下食早歺,為的是想爭取時間到酒店外影相,因為外面佈滿遍地濛濛白雪, 加上現正落住微雪,難得此美景,所以我想係臨走前再多拍些照片留念.到9點,我們便離開酒店到下一景點'會津鶴城'欣賞城內及周邊景色.今天的午歺須自費,所以我地係下一站福島購物城(類似outlet和有一間大型supermarket)附近的日本歺廳食飯.今歺我終可一嘗日式咖喱豬扒飯,真係好好味,好香咖喱加脆脆豬扒再配合日本珍珠白飯,簡直係perfect,咖喱汁送飯一流.我累嫌份量太細,有點兒到喉唔到肺.食飽飽我們便跑到隔離商店作最後衝剌,到最後給我買了一對平底皮鞋(￥500)超平!這算是這旅途中買得最平而又實用既物品.在臨集合前45 mins我地跑到supermarket掃嘢食,杯麵,拉麵,糖果,朱古力,薯片等全掃返HK. Marco臨埋單還揀了盒三文魚剌身到機場食.臨上車前,我都唔執輸走去pancake 店買咗士多啤梨+綠茶雪糕班㦸上車食.大約15mins車程便到達福島機場乘搭6:00pm班機返香港了,要真正同日本saiyolala.5天日本之旅就此完結!!!

** 後記,今天晚上突然好掛住係日本食既咖喱豬扒飯,所以今歺晚飯便到樓下的大快X點了咖喱豬扒飯食,重拾當曰回憶.

~裹盤梯皇都温泉酒店外景色

~ 會津鶴城

~ 從會津鶴城高處

~超搞笑

留言(0) | 引用(0)

日本東京+日光之旅 2008 ~ 續

Renee | 11th Feb 2008 | 旅遊篇 | (6 Reads)

今天我們便離開我們住了兩晚的Disney Hilton Hotel開始踏入第4天的行程,真有點兒捨不得!

2月7日 ~ 日本之旅第四天

首站,我們先到東京最早開發的平民區淺草參觀雷門觀音寺.寺內有大雄宝殿和香爐鼎.今天是大年初一很多當地華僑到來参拜补福,香火鼎盛,場面非常熱鬧. 寺前的仲見世商店街,是一條長長大道,兩旁佈滿小商店,專門出售手工艺紀念品和特色食品,价廉物美.我都唔執輸買了2份紀念品和幾份當地小吃.今天午餐享用自助鉄板燒,食物種類好多,生既/熟既/中式/西式的食品都有,最後我倆吃到飽飽咁棒住個大肚腩離開.下一站前往宇都宮佐野Outlet購物.呢個outlet所賣的全是名牌而且係倉底貨.咪以為倉底貨就平,減咗价我都係覺得貴.行咗2個幾hours到最後又係走咗去Agnes ? 半价買咗個帆布袋.之後,我地就坐車返今晚所住温泉酒店名為裹盤梯皇都. 當晚晚歺我倆一如以往穿上和服到樓下食飯.晚歺為懷石料理合共有15道菜(其中一款為售价昂貴既黑毛和牛),晚歺極為豐富,份量實在太多,自己吃不光要找老公幫幫忙!!!另外還有日本地道sake供我們任飲,啱哂老公.另外,EGL特別安排了每人一只印有自己中文名字的木製酒杯送我們留念,真的很有紀念价值.令我對呢間旅行社又再加分.

今晚是行程的最後一晚,所以晚飯後我倆沒有出外找活動.我就留待係房間執拾行李而Marco 就去嘆露天温泉,還順道去做了過全身按摩先回來!佢真係識享受呀, 難為我係房度執行李!

~ 雷門觀音寺

~裹盤梯皇都温泉酒店: 木製酒杯

留言(0) | 引用(0)

日本東京+日光之旅2008 ~ 續

Renee | 11th Feb 2008 | 旅遊篇 | (9 Reads)

~ 出發前一直猶豫選去Disneyland or Disneysea好.之前我已去過Disneyland兩次,反之Marco兩個Disney都未曾去過.朋友意見話一定係揀2個人都未去過既Disneysea.導遊介紹就話Disneyland主要玩機動遊戲和童話世界為主,適合愛玩剌激遊戲成年人和小朋友去(回想當年玩了無數次既Space mountain,簡直印象難忘!).相反, Disneysea主要sell睇風景,因為裡面全都是歐洲既建築物,大郵輪,坐下船仔周圍散步浪漫下,所以較適合情侶去.果度都有機動遊戲但比例上無Disneyland多,加上現階段我都唔適合玩剌激遊戲,全球Disneysea就只得一個,所以最後我地決定去迪士尼海洋啦!

2月6日 ~ 日本之旅第三天

今天我比前二天提早到酒店食早餐.今日心情極之興奮.因今天的行程是Disney海洋樂園,不想遲大到而擔誤出發時間.臨出發前有意外驚喜就係外面落起雪來.Marco第一時間捉我出去影相.跟著我們便到酒店旁既Bayside station站乘坐Disney循環綫列車(EGL額外送1 day pass給我們乘坐Disney循環綫列車自由出入.一個車站便到達Disneysea.

去到Disneysea剛好9:30am,門外已有大批遊客排隊等候進場.導遊先介紹我們Disneysea內必玩遊戲,然後我倆等侯10:00一開門便闖入樂園向必玩既主題樂園進發.雪越落越大,氣温自然越黎越凍,玩既動力自然相對減低.連一向抵得凍既我都有點兒頂唔順.所以我地採取策略就係唔理遊戲好唔好玩最緊要排隊條龍唔長我地就走入去玩.今天行程係唔包午歺&晚歺的.原本我地打算到Disney園外既’伊克斯皮兒莉’shopping mall內享用午歺(價錢相對平和多款式),但為卻省時及慳脚骨力,我地最後去咗美人魚礁湖樂園內享用西式午歺(如下圖).午飯過後,我地繼續去玩机動遊戲,睇劇場.到差不多4pm我們便開始向紀念品店進攻.最後我只係買咗Minnie布袋, Mickey card holder, Minnie key chain, 2 can Mickey chocolate.今次係Disney內購物既瘋狂倩度真的不及以前同朋友黎既時候.係DisneySea要行要買都做晒.我們5:30pm便離開.之後我們坐1個站便到伊克斯皮兒莉shopping mall內食個tea飲杯嘢然後逛了一圈無收獲即向下一站’新宿’進發.

我們在伊克斯皮兒莉旁的JR舞浜站乘搭JR到新宿站(中途在東京站轉車)每位單程￥380.起初我都有點擔心找不到轉車站和唔識落車.後來發覺車站名和路牌好多都係用漢字,相對容易揾好多.(下次再黎日本我真的會選擇自由行.)剛巧那段係放工時間,車站/車廂特別擠迫.全程大約一小時便到達,新宿類似香港旺角區,人氣頂盛,大厦商場林立,我們漫無目的咁見路就行,見商場就逛.行到攰攰地就走入一間拉麵店医肚順便抖吓.呢間小店好特別是自己去部電子售票機買飛,好快就有waiter送碗麵給你.我叫咗碗义燒拉麵, Marco要九洲拉麵.日本煮既拉麵跟HK的真有很大分別,拉麵尤其煙靭,人家湯底夠濃足味, Marco連湯都飲埋,一滴不留.食飽飽行吓行吓就行到去紅燈區’歌舞技町’.我早年黎日本時都黎過呢個地方.今次順道帶Marco哥見識一下啦!到9點幾個肚又打鼓,今次轉攻食迴轉壽司.價錢跟分量成正比,因不能食生冷嘢所以我只order了tuna salad壽司給自己.之後又繼續行,差不多10:30pm就要離開新宿,否則就會趕不及Disney循環綫列車既12:00尾班車往返酒店.臨上JR前不忘又走入便利店掃杯麵零食返酒店宵夜.

今天走了很多路,好攰好攰!而且食咗好多嘢,睇咗好多嘢,又玩咗好多嘢,非常滿足!!! Yeah!

~DisneySea logo

~DisneySea 園內景色

~DisneySea美人魚礁湖享用午歺,盛為￥1428(HK$106) 雖然貴但好好味!

~晚上自行乘坐JR由舞浜站到新宿揾好野食! 車程連轉車時間約一小時

~在新宿歌舞攻技町附近找到一拉麵店先醫肚,埋單￥1300

~臨走前要一試日本的迴轉壽司,食咗6碟,埋單￥1008.大件夾抵食!

留言(0) | 引用(0)

日本東京+日光之旅2008 ~ 續

Renee | 11th Feb 2008 | 旅遊篇 | (9 Reads)

~ 跟團最大弊處就係指定時間morning call/集合時間/回程時間/限制活動時間.

2月5日 ~ 日本之旅第二天

今早7:30am morning call.梳洗,收拾行李到樓下吃早餐後就開始我們第一天的行程.

首個景點是位於日光’德川家康東照宮’(世界文化遺產之一)和二荒山神社.東照宮為日本著名將軍德川家康靈寢之地.一座座的懐舊建築物再襯托遍地濛濛白雪,簡直是拍攝既好地方.午飯過後,我們大約坐2個多小時便到東京中央區’銀座’shopping.眾多名店林立.導遊先生事先介紹某些名店位置和必購之物.在兩個小時的購物時間,我只買了盒大粒庒strawberry for今晚飯後果(必食!超甜超大粒),一把超輕雨傘,牛奶妹shop買咗個麵包超人手袋,Hello Kitty shop買咗mirror & comb set.反而係Agnes ? and Blue Labe? 落空,有點兒失望!!!唯有寄望係下個景點台場購物城.來到台場已是6:00pm晚上觀賞彩虹橋尢其優美,簡直是倩侶拍拖好去處.自己因趕著去購物而忘記留下倩影.(之後唸番原來10年前第一次黎日本已到過此地).在最後的15mins我在台場找到Agnes ? 呢間比起銀座那間還要多款.簡直是眼花撩亂.最終選購了一個.亦因為我心大心細又掛住揀呀揀而遲到咗15mins.Marco好唔意思幫我say sorry! 之後,我地番到今晚所住既Disney Hilton Hotel食dinner buffet.此頓buffet我覺得一般,還以為會有剌身可大飽口福,奈何只有壽司,有點兒失望!一連兩晚我地都會住係呢間hotel. Disneyland & Disneysea就在酒店隔離,明天到Disney遊玩出入都較為方便.

大約9pm已食完buffet,時間尚早.當時我倆還想自己去坐JR出外逛街,但導遊先生話好多地方8:00pm後己關門,會白走一趟.既然佢咁講我們唯有留待明天Disneysea玩完後坐JR出新宿food & shop.

~德川家康東照宮留影

~銀座shopping

留言(0) | 引用(0)

日本東京+日光之旅 2008

Renee | 11th Feb 2008 | 旅遊篇 | (12 Reads)

~ 出發前一天睇新聞知道東京下大風雪,交通癱瘓,我的心倩大受影響!

2月4日 ~ 日本之旅第一天

首次乘搭香港航空.早上10:00準時起飛..此班機為EGL包機,全機滿座.有朋友提過為求安全盡量避免坐新既航空公司.其實,初期的香港航空是主力做商務包機,係最近呢幾年先開始做埋民航客機,初搭香港航空感覺良好.坐位size和與前座距離比起港X or國X的寬敞.3個小時機程好快到達’福島’機場.日本當地時間2:00pm.我們合共有42名團友,以家庭組別為主. ’福島’機場很細,停機坪只停有兩班客機,海關員亦只得兩名,可想而知機場真的很細.當日天氣陽光普照,地上還有很多積雪.希望稍後時間能目睹雪景就好了.今次的男領隊身兼導遊,一兼兩職.

跟著我們便乘坐大約1個半小時車程回到今晚所住的’鬼怒川御苑’温泉酒店.中途休息站我倆買了大堆零食+杯麵for宵夜(這是我倆每次旅行既習慣).當晚我倆還穿著日式和服享用酒店準備好的日式和膳,感覺好有日本地道風味,晚餐款式/份量都非常豐富.晚飯後時間尚早,我倆自行跑到酒店附近再次覓食,當時已是晚上10點,附近既拉麵店已關門大吉.在Marco堅持下再走半小時終發現一大型便利店買了些飲品和買了一串串燒邊行邊食返酒店.今晚Marco終可一試傳统日式温泉,佢用一個字形容果種感覺係 ~爽~ !!!