今個星期巳踏入第18週尾.個肚明顯大了.依家肚圍有成37”濶.體重已有137kgs.黎緊呢個星期4會去健康院覆診,到時問吓姑娘以我既週數體重是否正常.因為我成日都好擔心BB唔夠營養, 唔長胎.

肚裡既BB 4個半月了都係時侯影番啲大肚相留念.今天見自己精神好好又早咗起身,所以我倆例牌到樓下吃早餐.大約下午1點鐘便出發到北區公園(位於上水和粉嶺之間).從屋企步行20mins便到達公園.正因為大肚婆特別怕熱加上今日天氣有點兒焗,所以我未行到去公園背脊已經濕透.還好的是路程不是太長.今日天陰陰,相片影出來效果我不太滿意.待個肚再大些,未來日子要再找機會拍過另一輯更靚的大肚相.

從以下相片可見肥腫難分的我. Surprise !!!

呢兩日認真大出血使咗我成仟銀呀! 

l       屋企部computer最近經常無故響bb聲非常吵耳.Marco還以為是hard disk既問題,所以琴日走去Mongkok買過新的hard disk更換.但換咗之後仍然發出怪聲,真激氣.害我用了$370買了多餘的東西.

l       跟住又走到Marco最愛浦既馬健記書店睇書.我就睇啲有関孕婦既書籍.Marco就走去睇吓有関改名既書for日後BB改名時作参考喎.最後咪又係Marco哥買咗本唔知什麼作者編著既改名姓氏既書囉!還好是呢間書店長期做8折,所以本書折實都係$5x.

l       啲人話大肚婆既頭髮會比正常人生得慢相反我自己既比較未有BB前差不多,啲頭髮長得好快.上次剪髮只不過是一個月前.但天氣又開始熱,頂唔順,所以今天下午走去大埔墟剪髮.步出大埔墟火車站,呢個Marco哥就提議先上新達廣場睇波鞋.佢一直都話我對舊波鞋又殘又舊係時候要買過對新.我都想買好耐啦!只係一直睇唔啱款.其實依家粗身大細出入著波鞋會方便啲.就係咁樣我地就走入咗做緊大減价既運動家,又咁啱俾我睇中一款仲要係半價,即扑搥買.但係我身邊既Marco哥又心郁郁想買埋一份.係我試緊鞋既時候自己走咗去揀.屋企佢已經有成3對波鞋,仲嫌唔夠多呀!平還平吖嗎.唉!最激氣又俾佢睇啱心水,試埋上腳又真係幾型既.我呢個老婆有時候係專制啲,不過我都睇倩況既.算啦!見你咁鍾意無理由唔俾你買既.下個月你醒目啲俾多$500家用我咪得囉(最好俾夠$1000補貼呢兩日使費).哈哈! 

Renee

首先要多謝各方好友在12號送上的生日祝福.小女子又大一歲了.

隨着年紀長大,慶祝生日既模式也越來越簡單.今年的正日又撞正是平日,我又不想Marco舟車勞頓,所以正日他沒有趕回來.改作今天回來時補祝.去年他送上鮮花到公司給了很大的意外驚喜,今年卻沒有了(因星期初身體不適恐請了病假就未能親自收花).

今年Marco送的生日驚喜就只有生日蛋糕一個,雖然來得簡單但也足巳令我開心難忘.  Thanks Honey. 出年就會有多一位新成員(我倆的小寶貝)替我慶祝生日呢.這也是我今年收到的最大生日禮物...

3月10日 

上星期日半夜開始勁肚痛到第2朝早都係咁仲見紅,好驚好驚!所以返工前Marco即刻陪我去我見睇開既私家婦產医生(係旺角),去到先知佢早上有手術做下午3pm先返診所.但係我等唔切所以就即刻走去附近既廣華医院睇急症,大家都知道近排流感高峯期,医院勁多病人,去到又要待姑娘分流侯診.當我同姑娘講咗我既情況後只等咗15mins就即刻見医生,佢馬上同我檢查,只係按咗幾吓肚就同我講要留院上婦產科見專科医生再作詳細檢查睇下係咩事.我當時驚到喊起上黎,我真係唔想入院,但唔可以拒絕.就係咁樣我俾人用輪椅推咗我上病房. 

~續

3月2日

隨着BB在我肚裡一日一日的長大,我的身形也一日比一日地膨脹起來.懷孕至今已重了足足8磅.簡單用一個字來形容自己.成條柱咁.依家完全睇唔到自己條腰.只係見到自己既大肚dum.手手腳腳都開始腫脹,正因為個肚不斷脹大,腰部既負擔相應增加,腰骨痛隨之而產生.以前瞓覺對我黎講是一件樂事,相反依家瞓覺每當轉身/起身簡直係痛苦難堪.因為子宮既不斷擴大而壓著膀胱小便次數比前頻密很多,有時半夜要起來2次.所以睡眠質素也相應差.懷孕初期既不適也随著12週既過去而消失.反而自己一直存有既感冒持續未清,又唔敢去睇医生.始終藥物對BB有一定既影响.有時自己都幾矛盾,有病自己又辛苦但另一方面又擔心食藥影响BB.係Marco既立場就緊係話有病就要即刻睇医生啦! 所以佢成日話我講極都唔聽佢話.

因為身形既变化,特別係下身所以好多褲/裙都巳唔啱著要重新買過.今日下午特別抽出午睡時間走去大埔買過一批新褲,還好的是价錢算是便宜,買了4條都不過$5xx. 

Renee