唉吔!我聽日去照4D啦,超緊張!希望小B乖乖同医生合作! 望準鏡頭好讓爸爸媽媽一見你的廬山真面目! 

期待中! 

Renee ^-^  

天氣開始越黎越熱 對大肚婆既我簡直等同受罪。出街一定要行啲有冷氣既地方。今天終於忍受唔住把頭髮走去大埔恤髮,個髮型師知我大肚就suggest我剪短啲,我唔反對最好越短越好。有時熱起上黎真係想食杯大大杯雪糕或飲枝大可樂,但係呢啲生冷我要到懷孕後期先可以食得。不過,再等一個月就踏入第32週了什麼生冷嘢都可以食,到時真係要吃過痛快 ! 

Renee

媽咪知道今曰有人送嘢黎,所以帶埋工人和兒甥女彤彤過黎湊熱鬧。飲過下午茶後,工人Anna先幫忙我打掃屋企。自從有咗小B後,很多家頭細務我都唔願做(係有心無力)。多數待老公weekend返黎先幫吓手。藉着今曰來一個大掃除吧! 

嘩! Surprise!!! ^-^ 太子女執了很多BB衫和BB用品給我,合共有5大袋。好驚人!還好今天有Anna幫忙一齊到樓下拎。搬返屋企後,我同媽咪已急不及待拆袋睇,裡面包括之前提過既尿片垃圾袋〈但係我仲未識用〉,BB坐椅〈媽咪第一時間俾我兒甥女試坐,搖吓搖吓好過癮。另外仲有BB床音樂吊掛,揹帶, 睡袋,10幾頂帽仔襪仔和襯衫用既腰帶。BB衫,短裙,連身裙長短褲仔有成數十件連芭蕾舞裙花女裙都有。件件都好新淨好靚仲要所有都係BB名牌。換轉係我真係會唔捨得俾人。小B真的很幸運呀!呢批衫褲起碼可以著到3歲左右,今次幫媽媽慳唔少$。最好笑連我呢個媽媽都有份,那就是媽咪奶粉袋for 同BB出街用,分別一個紅色和藍色 。我已將藍色那個當作走佬袋用。依家將啲BB用品暫放係客廳角落位置,遲陣子就要買個BB儲物柜放。今次真的有很大收獲! 

Renee

Reclining chair

BB床音樂吊掛

Diaper garbage bin

Mother bag

我依家好心急等緊星期六既來臨,果日收工後要第一時間返屋企等電話! 

小B,你真的好幸運呀!有很多靚靚的衫仔裙仔等著你喔! 

Renee

今日收到老友Diana來電話俾部BB手推車我.因為囝囝隨著年齢增長,現有部BB車已唔啱坐.所以打算買部大size的.順理成章舊的就不合用.好開心Diana第一時間諗起送我呢位老友,好感動!佢仲話有些舊有infant toys給我.打算本星期五吃晚飯後我可以順便拎走.我真有點不好意思好似每次上佢屋企都又食又拎咁.回想上個月佢仲請我上佢屋企吃飯還煲湯俾我飲.仲給我大肚衫和囝囝唔啱著衫仔(有部份還是新的)計埋計埋同我慳咗唔少.Diana還經常打電話同我傾偈,問侯我.可能佢親身經歷過大肚既日子,清楚明白拕BB辛苦之處.所以對我呢位即將做人媽媽既老友特別照顧. 

在此,我真的要好好感謝老友Diana! 待我們小B出世後要親自同呢位Auntie Diana say thank you呢. 

Renee

生BB真的不是一件容易事.做媽媽除了精神上和肉體上的負擔外.金錢上亦係一大負擔.

自從有咗小B後,開支大咗好多.隨著身形不斷轉變,衫/褲/鞋/內衣褲全部要買過新的.每月到私家医生做既例行檢查每次就要成$500,臨近分娩時仲要加密檢查,黎緊6月頭要去照4D$680..end up淨係呢畢診症費都差不多要五六仟.還有每日食既葉酸,鈣片,多種維它命,燕窩,….和每日at least搽2次既妊娠紋膏等(還好我用的妊娠紋膏價錢經濟又見效touch wood暫時我仍未發現自己有任何一條妊娠紋).唉!黎緊仲要買入院用品(俗稱既走佬袋).還有小B用既,如床仔,車仔,奶樽,消毒奶樽器,衛生用品等.還好的是衫褲鞋襪可以執我兒甥女舊的.最大筆莫過於小B出世食既奶粉和用既尿片.

所有都係$$$$$$$$$$$$$$$$$$.我不敢想像還有什麼開支使費,如果我再繼續數下去的話,恐怕會嚇怕我的米飯班主洪老先生呢! 

Renee

原來小B踏入第25周我呢個大媽媽仍有很多地方要留意: 

BB踏入第25周的胎寶貝身長大約有30CM，體重不到600克(我的小Ｂ在24周已有887gms那小Ｂ豈不是超重)；大腦發育已進入一個高峰期，腦細胞迅速增殖分化，腦體積增大；視網膜發育完全，眼皮也會動了，小眼睛有時睜開、有閉上 (希望6月1日去照4D時見到小B睜眼和挑皮的樣子,非常期待那天的來臨!)，這樣的小動作能幫助完善睡眼的功能；舌頭上的味蕾正在形成，所以小傢夥這時就能通過你嘗到食品的味道了，而且有些偏好甜食(小Ｂ小Ｂ呀!媽媽不敢再吃太多甜食,因e生話媽媽尿糖過高呢!)；肌肉和脂肪組織也都在生長。

隨著胎兒的不斷增大，孕媽咪的特徵已經非常明顯了(體形上变化肯定係極之明顯,肚圍/重量不斷增加)：身體越來越沉重(老友Diana話遲些個肚再大,我會行得似企鵝,左擺右擺,唸起都幾搞笑!)，手腳也會出現酸痛的狀況(手腳除了酸痛外還開始發腫,早排買的新鞋又唔啱著啦!)；因為血液供應增加，心、肺都要承擔比以前更重的負擔，甚至稍稍加快腳步都不得不大口喘氣(依家行起路開始感覺吃力,不能行太久)。這段時期要注意多曬太陽，防止缺鈣 (現在已踏入夏季,不是每天都見到太陽伯伯出現嗎?年紀大真怕曬得多容易有雀斑吖! ^-^) 。另外，因為胎寶貝的大腦在飛速發育，這時你可以多吃些健腦的食品，比如核桃、芝麻、花生等等(我都買咗即沖芝麻糊食,唔知有無幫助呢?)，但是要注意適量，避免“上火”引起便秘(其實我都開始有此情況,所以我盡量每天1apple 1orange和多吃蔬菜,盡量吸收多啲纖維.)；適當的運動也能幫助你的大腦釋放有益物質，通過血液進入胎寶貝體內，對大腦發育極為有利。

堅持進行適當的運動既能控制體重、又能提高抵抗力，改善妊娠不適，如腰疼、水腫、便秘及痔瘡，並因骨盆和腰部肌肉的加強使胎寶貝容易娩出。(每天返エ放エ來回都步行成20 minutes算唔算做咗運動呀!)如果有水溫條件合適的室內游泳館，游泳不失為孕期保健的最佳方法。在游泳時，身體重量完全被浮力承受，對脊柱的壓力有所減緩，不僅能大大減輕腰背酸痛，也使得胎盤、子宮的血液迴圈達到最佳狀態，十分有利於給胎寶貝供氧 (Marco都suggests我去游水,但係啲孕婦泳衣要成$2xx-3xx套,so expensive.不過我都想試吓大肚游水種感覺,所以我會買件平平既泳衣試試)。 還有個方便的小方法就是：經常做適量下蹲運動，這種動作能加強骨盆肌肉運動，增加骨盆肌肉彈性，減少難產幾率，雖然簡單，卻是最好的助產運動。運動一定要適度，不可過勞，嚴禁做劇烈活動，避免擠壓和震動腰部，如急跑、跳、躍、舉重、滑雪、登山、溜冰、打保齡球等等。

~ 各位未有BB的朋友們,生BB真的不是一件易事.但當我經過呢頭6個多月的懷孕過程,肉體上雖然真的很辛苦,但係心靈上我得到很大既得著.Marco還笑我有咗小B後開心好多,佢仲話遲些待小B出世後定會忽略咗佢喎! (咁大個男人都吃醋….^v^)

 Renee

! Yeah!

今日提早放工去私家覆診.去到例牌磅重,量血壓,驗小便.唉!e生話我勁超重,我問e生咁我需要節食嗎?佢又話唔駛,BB size又無過大,好正常,只係我個人肥咗.其實自懷孕後我既食量無大增反而介ロ仲介得好清.可能進食既全部都被自己吸收哂.e生叫我生完先慢慢減肥.既然e生咁講,我就順其自然啦!反正一世人可能得今次機會可以大吃大喝! 

通過照ultra-sound可以知道BB依家有887gms(大約2磅重).同時我仲可以見到BB係我肚裡面游來游去,好活躍呀!雖然每次診金要成$5XX但可以見到BB健康咁成長,貴都係值得! 

最後e生話我尿糖有輕微超標.黎緊5月20日會返健康院驗妊娠糖尿,依家有啲擔心.

下次見阿B既時候要到6月1日去照4D.希望到時BB乖乖合作俾e生影多幾張大特寫.最希望可以影到BB既樣貌就最Perfect啦!

Renee

5月4日 

還有兩天BB便踏入第24週即6個月了! 時間過得好快,仲有4個月BB就要出世了!上個星期我已開始感覺到胎動,BB踢我肚皮既次數亦開始越來越頻密. 我終於真真正正感覺到BB既存在,那種感覺真的很奇妙,實在難以形容. 每當BB踢我都會用手仔輕輕搓搓肚皮給BB一個回應還有一個現象就係BB一踢,我既肚皮就會向上跳一跳,好搞笑! 我—直都好想Marco見到呢個情景可惜佢又唔係經常係身邊,不過在剛過去既星期日早上我還在賴床的時候我又feel到BB係咁踢我我即刻露出我的大肚皮叫Marco細心留意,我叫BB大力啲踢媽媽啦! 就係呢一刻真的給身旁的未來爸爸見到呢個情景佢覺得好神奇呀! BB真的好聽媽媽話,好合作~ 爸爸媽媽錫哂你呵!!!

Renee

~即將踏入6個月了~