早於一個月前約了中學同學兼老友Doris一家今天到日航酒店食lunch。今次亦是我們首次一家三口出九龍活動。 

今日Edwin囝囝跟WaiWai首次見面，Edwin比WaiWai大唔夠一個月。可能兩個BB年紀還小，還未曉得玩作一團，只得眼神交流。Edwin爸爸Charles話佢地青梅竹馬，難道日後我們有機會對親家！我對Edwin囝印象不錯，Auntie Renee俾你十個叻，全程表現very good，非常淡定又唔扭計。 我們的WaiWai就 *-* 媽媽只俾你八個叻。皆因我地WaiWai飲完奶唔肯俾我幫佢掃風，習慣性伸直條腰、大叫來同我反抗，今日亦不例外。又唔鍾意人抱，但係剛飲完奶奶唔可以即刻瞓車仔否則會容易嘔奶。身處大酒店這個高級地方，認真失禮人。之後，我地去咗Sogo行街，大洪爸唔想WaiWai成日坐係車仔，抱佢起身等佢周圍望吓嘢，起初都無扭計；點知行咗一圈，佢就開始發忟憎，然後又係度YAYA聲大叫，好似叫人要放低佢。那時周圍既人就用好奇眼光望住我WaiWai。 嘩! 呢個BB叫得咁大聲既！當時我倆顯得有點兒尷尬，二話不說即刻放佢返車仔坐後就乖乖收聲。其實，我們己習慣了她這種行為表現，亦知道應用什麼方法來處理。每次見到她這個惡人表現，我倆都覺得好好笑。 

雖然今次WaiWai出巡有些少失禮，但我們仍會繼續帶她去街街，只希望她不要給大家驚人表現。   

多謝MayLam姐姐送給WaiWai的Chicco’s playmat。

 14 AUG 2008

100日後

星期一已發覺WaiWai有幾聲咳和好多痰，仲越咳越勁。琴晚放工返屋企發覺佢又鼻塞塞，真替她擔心。跟佢玩又無反應，又無同我笑，無晒精神。正因為身體唔舒服，所以琴晚成晚都扭計，要人抱住才肯入睡，半夜仲要飲夜奶，連帶我成晚都瞓得唔好。最初還打算佢會自己好番，但依家見佢咁辛苦，今日我決定帶她去睇医生，医生只說是一般感冒而已，不用擔心。婆婆話WaiWai好聽話，乖乖食咗藥後就覺覺豬。

希望WaiWai快啲好番，不用Daddy & Mami再替你擔心啦。

本星期五是中學同學Kathy Poon的大喜日子，真替她高興。

恭喜，恭喜！ 

上星期她來電邀請我做她bigdate當日MC (因原定MC突然放飛機)，但自問口才不是了得，樣貌又不是標青，為何偏偏選中我。 

台詞我已準備好，但仲未熟讀，戰衣仍未準備！唉！生咗WaiWai後仲未修身，以前既衫褲裙都不合穿，放工又趕著回家睇囡囡，無時間去買新的。點算，無靚衫著呀？！ 第一次做MC，好緊張！

經過一晚左思右想後發覺我是真的做錯了！

還以為自己所做的一切都是為他好，原來這一切都是多餘的。

自己又多傷心多痛苦流幾多眼淚又有多少人會知道呢？

自己所付出的一切原來是自己一廂情願，是得不到任何感謝或憐憫，相反帶給他人的是壓力。

曾經痛苦過、掙扎過，又曾想過去做損人不利己的事情為的是要令對方內疚；但到最後我還是放棄。因為想起自己的女兒和家人，這一切比起現在所擁有的或將會失去的來得珍貴。

琴日一直check mail box睇吓有無網友仔既email，終於在下午時份就收到她的回覆。真的很開心！

原來她正在坐月當中，她的小B仔在9月14日出世。真湊巧跟我們的瑋遙剛好相差一個月大。雖然小B仔出世較輕，最重要係身體很健康。從她的網誌看見小B仔的一雙大眼晴似足媽媽，三口子合照簡直是幸福滿瀉。

沒料到經過今次大家都向對方報上喜訊，真係可喜可賀 。

我還提議待我們的小B大些改天出來見見面，好讓兩位小B互相認識。 

再次期待中~

在2006年初籌備自己係06年尾既婚禮時，我經常瀏覽生活易新婚網站並結識了一位跟我同年同月同日結婚既朋友仔。最初既一年大家都在留言板傾偈，互相交流下同分享籌備婚禮過程和給予對方意見。到大家都完成婚禮，我們就透過電郵互相聯絡。直年去年年中可能大家都公事繁忙就再沒有聯絡上。但在我心裡都一直記掛住呢位朋友仔，因為能夠在互聯網上互相傾談一年多時間實在非常難得。到舊年年尾知道自己有咗BB好想將呢個喜訊話俾佢知，但奈何自已又懶拖吓拖吓又無咗件事。直至今天早上我終於發email給她，問她近況和告知她我上月生咗B女。 

唔知佢收唔收到我既email ，即使收到又會唔會覆我呢? 

期待中~

前天二妹有位patient俾咗張係旺角新世紀廣場某運動鋪既職員正價65%off購物coupon，佢約我今天去那裡逛逛。踫巧今天大洪爸短週，所以又可以俾佢有機會去挑選至愛既波鞋。有咁筍既嘢當然唔少得屋企其她成員，所以我地一行8人便向那裡進發。我們還以為唔多人，點知每入黎光顧既人都有這張coupon，難怪好多款鞋都無哂size啦。大洪爸左揀右揀都揀唔啱，啱既又無size。最後，他還是撲空。而我就無波鞋需要，而且pregnant時巳買咗一對。加上未黎之前係旺角買咗對boot，更加唔會再用錢買波鞋。反而我選了一對波鞋仔給瑋遙，因無啱size我就買大幾號，相信要待她大約兩三歲時才啱著。