  |
  
|
話說大年初三赤口日不適宜往拜年，我家的最大長輩伯娘一直都不喜歡人家在年初三到她家，但近呢兩年她都開始接受。所以，今年我們又選擇今天拉大隊一行28人闖進伯伯、伯娘位於粉嶺坪輋村大屋向他們兩老拜年。
每次去到媽媽、姑姐、嬸嬸都必會在大屋前的大菜田摘菜。菜田上的各種疏菜都是伯伯、伯娘親自耕種的；包括有菜芯、芥蘭、生菜、青/紅蘿白、木瓜等。全部都是有機耕種。咱們每次入去伯娘都會命令我小表妹林梓柔幫菜田淋水，伯娘一聲號令誰也不敢反抗。老一輩的就好勤力咁摘呀摘呀，後生的 (我們幾姐妹+老公和表弟妹) 就係大屋內開賭局，打麻雀、鋤大dee、玩21點；個個爛賭樣原形畢露。WaiWai著了我新買給她的跳跳虎造型新衫，超得意，今日份外受人歡迎！WaiWai今日表現SO GOOD，各人抱佢完全無扭計，所以我跟大洪爸爸玩得特別輕鬆和暢快。
各人為囗奔馳，部份親友要過年過節才見面一次，即使見面只一年一次，但我們的關係不會因此而生疏，反而每次見面都有數不盡的話題。所以每年我們4姐妹都必定跟MAMA四出拜年，即使現在各有家室仍不會錯過，希望我們這個大家庭的友好關係能直到永遠！
今日準時收工一個人走咗去旺角花園街/女人街辦年貨，實情係想買套新衫給WaiWai過年著。其實老友Diana早前已送了一套大紅色既賀年套裝給WaiWai新年著，但畢竟今年是她的首個農曆年，所以做媽媽既都想親自買套新衫給囡囡。最後，我係女人街挑選了跳跳虎 (Tigger) 造型夾衣，屋企人話WaiWai著咗好似男仔喎。WaiWai女生男相，即使每次出街著到全身Pink Lady，人家都會以為她是little boy。小朋友穿衣之道不是著重得意可愛嗎！
早於2星期前through Baby Kingdom網站網友係國內一大型購物網站淘寶網訂了3對鞋仔給WaiWai，今曰終於拎到手趕得及農曆年著, SO Good！ 3對只不過80大元。
期待農曆年既來臨!
2) 红色帆布鞋
3) 迪士尼POOH紫色公主燈心絨鞋仔 (暫未有相片提供)
今日下午二妹囡囡嵐嵐在McDonald舉行生日派對慶祝4歲大生日，我們一家也應邀出席。
因我怕WaiWai又再次冷親，所以出門前我跟她做足準備；戴好冷帽、手套，穿了4件長袖衫和2條長褲，包到成個飯團咁。場面非常熱鬧，WaiWai第一次見咁多人，當日室內空氣比較悶熱，所以一開始WaiWai就有啲扭計，加上佢巳開始認人，每當有陌生人抱佢就會縐眉繼而大哭，返到媽媽懷抱裡又安然無恙，有時自己想偷懶都唔得。 WaiWai係現場最細既BB，所以好多哥哥姐姐都喜歡逗佢玩，只要你叫佢WaiWai 、WaiWai，佢例必回你一個燦爛既笑容。 派對上有很多遊戲玩，連我呢位大朋友都玩埋一份。 相信最開心、最投入莫過於現場既所有小朋友，大半年後到WaiWai識行識走既時侯都會好似佢地一樣咁周圍蹦繃跳跳，健康快樂地成長。 期待中 ~
"
