August 2009 (歡迎來到大洪之家~)

Renee | 24th Aug 2009 | 小B成長篇

WaiWai每天都給媽媽一驚喜！今天的一大大驚喜就係WaiWai識行嘞！步伐不是太穩，好似醉酒佬行路咁左搖右擺，真係一步一驚心。但WaiWai好聰明，每次行都會雙手凌空，沿著牆身、梳化旁，萬一站不穩都可以俾佢扶住。雖則依家算做識行，但我們仍要打醒12分精神，看緊着她以防萬一！小朋友跌倒是可大可小的。相信WaiWai多加練習一定會一日比一日行得穩。

留言(0) | 引用(0)

交差感染

Renee | 17th Aug 2009 | 小B成長篇

繼上星期三媽子、彤肜(兒甥女)病好後，到星期四就輪到小胖胖WaiWai作病，出現打嘖嚏，流鼻水+鼻塞跡象。以我猜測應該是被婆婆、彤肜傳染得來的。還好的是她沒有發燒，狀態還生生猛猛，仍係咁好胃口，但就比較纏身，一見我就要mama抱抱。近排流感肆虐，大人小朋友都不可以掉以輕心，有些少唔舒服都要馬上去看医生，萬一唔好彩患上流感就要戴上口罩和自我隔離吖！還以為患病者要戴上口罩，但原來身邊既人最好同時戴上以防被傳染。我就是下個受害者，但我的情況比WaiWai 嚴重，有鼻塞、喉嚨痛、咳嗽、肌肉酸痛、無胃口、肚腹脹痛，但沒有發燒。今日早上終於頂唔順要到樓下的私家診所看医生，医生診斷這只是普通感冒，定時食藥，多休息+多飲水就好快會痊癒。但我好清楚自己一病會持續好一段時間。

留言(0) | 引用(0)

WaiWai 一歲大嘞！ Yeah ~

Renee | 14th Aug 2009 | 小B成長篇

2008年8月14日WaiWai正式來到這世界，一年後的今日WaiWai一歲大嘞！WaiWai，爸爸媽媽祝你生日快樂，身體健康，永遠都開心快樂！今天是WaiWai的第一個年頭，作為爸爸媽媽真係好開心。這一年時間過得很快，對於我這位亳無經驗和愛心既媽媽來說，凑你的日子真的很吃力。但眼見你一日一日咁長大，一日比一日頑皮，一日比一日肥美，媽媽所付出的都是值得。希望往後日子你都能健康成長，最緊要聽教聽話，長大後做個有用既人和好好孝順婆婆，因為婆婆所付出的勞心勞力和時間比媽媽的更勝百萬倍。要緊記吖！

留言(0) | 引用(0)