踏入6月份係公司既peak season，超忙！今年生意會旺過往年，完全無受金融海嘯影响。對我黎講肯定係一個好消息，因為無裁員，無減薪，不過今年會做得好辛苦。日日我都摩打手係咁做係咁做，因為唔想OT，想第一時間收工回家見WaiWai。
10個月既WaiWai依家有4只牙仔，識自己扶住企起身、轉身、拍拍手、跳舞、用額頭同人錫錫 (尤其係baby boy 肯定來者不拒)、做拜拜 & Hello動作、雙手拖住人行等，但仲未識向前爬爬，淨係識向後爬。 最近坐學行車就越片越快，在婆婆家經常橫衝直撞，又喜歡追縱住我，我行去邊佢就追到去邊。隨著年紀長大，日間瞓覺越來越少，活動時間就相對多左，每朝又例必6點幾就起身，婆婆湊佢就越來越吃力。
仲有2個月WaiWai就一歲，我地一家3口係baby kingdom
