歡迎來到大洪之家~

表情多多

reneecheung0312 — Sat, 03 Jan 2009 20:47:40 +0800

WaiWai亦有表情多多既時候~

悶悶不樂個樣子

poo口水+放電眼

發脾氣樣子

Happy New Year !

reneecheung0312 — Thu, 01 Jan 2009 15:29:27 +0800

在2009年第一天，我們一家在此祝願大家：

新年快樂！

心想事成！

身體健康！

我希望我們的女兒WaiWai身體健康，永遠幸福快樂！

今年聖誕真快樂！

reneecheung0312 — Sat, 27 Dec 2008 23:05:26 +0800

今年的聖誕節過得特別開心，去年聖誕老公係澳工返工無假放，我就過了一個lonely Christmas。但今年就唔同了，老公返咗黎HK再加上有咗baby ”WaiWai”就熱鬧了很多。

今年我地一家三口参加咗2個Christmas party & 1個wedding party，節目非常豐富。首先，25號我們一家人連姑姐一家一行17人在我3妹的黄金海岸家開party，晚上吃過到會食物過後我們就玩遊戲，其中之一相信大家都認識的獎門人節目中’辣辣壽司邊個食’，輸家是給對方畫大花面，戰況極之激烈，到最後我們個個都變成大花面，超搞笑！節目尾聲是大家期待已久的更換禮物，而大獎現金獎結果就由細細妹抽得。將近11:00大家便帶著疲憊既身軀拎著大包細包禮物歸家，而我們WaiWai亦夠鐘回家覺覺豬吖。

起初我們都打算26號帶同WaiWai出席大洪爸朋友既婚宴，因為好多朋友都未見過WaiWai。但係自私既雲妮媽媽最後都沒有帶WaiWai去，因為怕要照顧WaiWai唔可以盡情enjoy個晚宴。對唔住呀WaiWai，就讓爸爸媽媽過一個二人世界啦！

27號下午收工後趕著入屯門湊WaiWai去Auntie Diana屋企開Christmas party，出席的都是TWG同學。今年多了位新成員黄淑芬参加，原因是Diana某日在街上撞見她便順道邀請她一齊参加。原來她已有位4歲大的囝囝，仲一直以來都住TinShuiWai區，但我又未曾撞見過她，真奇怪呀！她樣子身形沒點變化，跟以前一樣鐘意哈哈大笑。今年party人數增加至14人，出年加埋今日沒出席既Amy連她將出世既BB就有成17人了。到時我想要找間過千呎大屋才可以容納咁大班人呢。Diana亦係時侯換大屋嘞 ~ 今日WaiWai表現非常good，媽媽俾十個叻你呀！WaiWai同時亦深得Auntie & Uncle歡喜，WaiWai真抵錫！

Season's Greeting

reneecheung0312 — Wed, 24 Dec 2008 16:14:25 +0800

Ho ho hooo! My little “WaiWai” is dancing Santa Claus and we have a wish for you. Watch my dancing Santa video card at

http://www.dancingsantacard.com/?santa=2816483

We wish you a Merry Christmas we wish you a Merry Christmas we wish you a Merry Christmas and a Happy New Year….

WaiWai又胖了~

reneecheung0312 — Thu, 18 Dec 2008 22:26:19 +0800

今日放了一日假帶WaiWai回健康院檢查，4個月的WaiWai有8.17公斤。姑娘話WaiWai超重又超高 (相等於8個月大既BB)，現需另約時間見医生再作詳細檢查看看是否父母遺傳。每次聽到姑娘話WaiWai過重我都覺得好好笑，從未想過我的小女兒是一個小肥妹；但另一方面我又擔心她的健康，所以現在我盡量拉長時間給她飲奶希望能幫她控制体重。其次，4個月的WaiWai亦開始認人，每見到陌生人逗佢都會大喊 (但每見到媽媽就一定會笑 ^.^)，見到身邊既人離開她視綫范圍又會大喊，非常黐身，做媽媽既我更加無覺好瞓。

WaiWai既咳咳已好了很多，相信係Diana姨姨的燉川貝瘦肉湯見效。

在此，我亦要多謝身邊所有關心/問候我WaiWai既朋友。

WaiWai四個月大啦!

reneecheung0312 — Sun, 14 Dec 2008 22:21:40 +0800

大洪爸爸&雲妮媽媽2週年結婚週年紀念再加 WaiWai四個月大啦!

意義重大

reneecheung0312 — Wed, 10 Dec 2008 11:45:09 +0800

本星期日12月14日正是我和大洪爸爸2週年結婚週年紀念

再加

WaiWai四個月大啦!

對我們來說，這麼有意義的大日子該如何好好慶祝呢???

WaiWai再次病倒了~

reneecheung0312 — Fri, 05 Dec 2008 12:15:29 +0800

WaiWai病愈兩星期，在剛過去星期一又再生病了。今次係鼻塞塞+咳咳+多痰。起初我們都不打算帶她看e生，嘗試食温和中藥猴棗省來化痰。食咗4次其中有2次食完後WaiWai都嘔 (因為那股中藥味太剌鼻，令她反胃而作嘔)。到Day 4 ~ WaiWai越咳越勁 (啲痰又頂住喉嚨)，最後都係決定帶她去看e生。但e生話BB年紀太細唔可以食咳藥，只開咗傷風收鼻水藥。E生提議BB飲多啲暖水去化痰，同時另一方法就係去化驗所給人拍痰。但經我打電話去問化驗所這個拍痰過程後就被嚇怕，想像到過程會很痛苦，你叫我如何忍心要囡囡受苦呢！每當想起這個拍痰過程，我都忍唔住喊。

拍痰過程 ~ 事前準備: 3個鐘內BB不可以飲奶，要帶備奶咀安撫BB

情序1)先聞氣(係清水) about 10mins

情序2)拍背脊about 10mins

情序3)戲肉~插條管仔落喉嚨定吸痰出黍 ~ 呢part超恐佈，BB一定喊到拆天。

老友Diana(經驗mama)知道後都不贊成帶WaiWai去拍痰，她亦不忍心WaiWai受痛楚，而且又不一定要用這個方法去處理。最後，Diana就提出燉川貝瘦肉湯在明天既BB gathering給WaiWai飲，看看有沒有幫助 (以前她給囝囝飲過都有效)。Anyway, 我都會給WaiWai試試，不要白費Auntie Diana的一番心意。

我要做 Model ~

reneecheung0312 — Thu, 04 Dec 2008 11:08:06 +0800

阿囡上咗雜誌封面，要收版權費呀 ~

阿囡又真係幾上鏡喎！

WaiWai出巡記

reneecheung0312 — Sun, 30 Nov 2008 23:10:49 +0800

早於一個月前約了中學同學兼老友Doris一家今天到日航酒店食lunch。今次亦是我們首次一家三口出九龍活動。

今日Edwin囝囝跟WaiWai首次見面，Edwin比WaiWai大唔夠一個月。可能兩個BB年紀還小，還未曉得玩作一團，只得眼神交流。Edwin爸爸Charles話佢地青梅竹馬，難道日後我們有機會對親家！我對Edwin囝印象不錯，Auntie Renee俾你十個叻，全程表現very good，非常淡定又唔扭計。我們的WaiWai就 *-* 媽媽只俾你八個叻。皆因我地WaiWai飲完奶唔肯俾我幫佢掃風，習慣性伸直條腰、大叫來同我反抗，今日亦不例外。又唔鍾意人抱，但係剛飲完奶奶唔可以即刻瞓車仔否則會容易嘔奶。身處大酒店這個高級地方，認真失禮人。之後，我地去咗Sogo行街，大洪爸唔想WaiWai成日坐係車仔，抱佢起身等佢周圍望吓嘢，起初都無扭計；點知行咗一圈，佢就開始發忟憎，然後又係度YAYA聲大叫，好似叫人要放低佢。那時周圍既人就用好奇眼光望住我WaiWai。嘩! 呢個BB叫得咁大聲既！當時我倆顯得有點兒尷尬，二話不說即刻放佢返車仔坐後就乖乖收聲。其實，我們己習慣了她這種行為表現，亦知道應用什麼方法來處理。每次見到她這個惡人表現，我倆都覺得好好笑。

雖然今次WaiWai出巡有些少失禮，但我們仍會繼續帶她去街街，只希望她不要給大家驚人表現。

新玩兒

reneecheung0312 — Thu, 27 Nov 2008 09:59:14 +0800

多謝MayLam姐姐送給WaiWai的Chicco’s playmat。

100日大喇 !

reneecheung0312 — Fri, 21 Nov 2008 00:26:34 +0800

14 AUG 2008

100日後

WaiWai生病了~

reneecheung0312 — Thu, 20 Nov 2008 15:53:22 +0800

星期一已發覺WaiWai有幾聲咳和好多痰，仲越咳越勁。琴晚放工返屋企發覺佢又鼻塞塞，真替她擔心。跟佢玩又無反應，又無同我笑，無晒精神。正因為身體唔舒服，所以琴晚成晚都扭計，要人抱住才肯入睡，半夜仲要飲夜奶，連帶我成晚都瞓得唔好。最初還打算佢會自己好番，但依家見佢咁辛苦，今日我決定帶她去睇医生，医生只說是一般感冒而已，不用擔心。婆婆話WaiWai好聽話，乖乖食咗藥後就覺覺豬。

希望WaiWai快啲好番，不用Daddy & Mami再替你擔心啦。

Master of Ceremonies

reneecheung0312 — Wed, 19 Nov 2008 14:17:28 +0800

本星期五是中學同學Kathy Poon的大喜日子，真替她高興。

恭喜，恭喜！

上星期她來電邀請我做她bigdate當日MC (因原定MC突然放飛機)，但自問口才不是了得，樣貌又不是標青，為何偏偏選中我。

台詞我已準備好，但仲未熟讀，戰衣仍未準備！唉！生咗WaiWai後仲未修身，以前既衫褲裙都不合穿，放工又趕著回家睇囡囡，無時間去買新的。點算，無靚衫著呀？！第一次做MC，好緊張！

我是否真的做錯了~

reneecheung0312 — Mon, 17 Nov 2008 23:25:42 +0800

經過一晚左思右想後發覺我是真的做錯了！

還以為自己所做的一切都是為他好，原來這一切都是多餘的。

自己又多傷心多痛苦流幾多眼淚又有多少人會知道呢？

自己所付出的一切原來是自己一廂情願，是得不到任何感謝或憐憫，相反帶給他人的是壓力。

曾經痛苦過、掙扎過，又曾想過去做損人不利己的事情為的是要令對方內疚；但到最後我還是放棄。因為想起自己的女兒和家人，這一切比起現在所擁有的或將會失去的來得珍貴。