我地重遊故地曼谷，今次只玩4天，11月28日出發，短短4天行程我要盡倩EAT & PLAY，還要每天做我至愛既MASSAGE/SPA，將呢年幾既一身疲勞一一消除哂。今次跟公司請了5天annual leave，假期的最後一天會留在家裡陪WaiWai以彌補過去4天的短暫別離。 

在上個月學校Open day時我巳入紙報名，並約左上星期六interview，起初都有點兒擔心WaiWai 得個14個月就去interview，大家可想像到佢識幾多嘢，我唸連WaiWai自己都唔知道今日黎到學校做甚麼。 入到學校我先同WaiWai玩吓玩具，帶佢周圍行吓認識吓老師，同佢warm up 吓好讓佢稍後interview無咁緊張。 等左大約30mins，老師就嗌洪瑋遙。一開始老師問我點觧要揀呢間學校 (好彩我有準備) 又問我WaiWai同邊個住邊個湊？之後就叫WaiWai將d圖形放番相同圖形既位置，WaiWau唔肯放，係咁遞俾我同老師叫我地放，唉！我都唔知好嬲定好笑。接住老師拎個orange問WaiWai呢個係咩？ 我同老師講佢未識講，佢暫時只識叫mama ~ 到叫佢辦認colors，第一個都啱，到問第二個color佢就求其拎起個就掟，呢part扣硬分啦，真係俾WaiWai激死。 到老師叫佢指指頭頭，眼，耳，口，鼻，呢到就全中。 最後叫WaiWai錫錫mama、say byebye and飛吻，WaiWai都好聽話做足。 到起身離開座位時老師叫WaiWai泊埋張発発，嘩！WaiWai肯定未識啦，佢邊度夠力呀！成個過程大約25分鐘就完成。 臨走前，老師送了袋禮物內裡都是學校簡介，校刊，healthy food samples，搖鈐玩具等，最搞笑係老師親手交給WaiWai後，WaiWai二話不說就將袋禮物揹上膊頭慢慢步出課室。 

完成面試大約2個星期後 (即11月初) 就會收到學校來信通知是否被取錄，希望 可以一 take 過我就無需再為揾學校而去奔波。

"年年有今日，歲歲有今朝"！

今年生曰撞啱在星期曰，所以我們一家三口決定入OCEAN PARK 玩一趟。 我們11點進場，玩到6:00pm離開。 WaiWai可以玩的機動遊戲，我們都玩齊哂，自己唯獨欠玩最愛的360過山車and海盜船。還有吃了從未食過如此昂貴的义雞飯 $65x2 + 凍O樂$35x2，一餐簡單lunch盛恵$200大元。 每次入到souvenir shop WaiWai都會攬著隻panda公仔唔肯放手，每次我倆都要施計氹佢放低。 於臨走那刻，我還是就範買了隻panda公仔($ 95 ) 給WaiWai作為紀念品，大洪爸解釋到好讓WaiWai長大後知道自己小時候也曾到過海洋公園一遊，看似頗有道理。

昨日WaiWai開始勁打噴嚏、流鼻水，夜晚又鼻塞，係咁扭計連奶咀都唔要，到最後要跟我瞓，大洪爸就做左廳長，成晚我地一家三口都瞓得唔好。

而今朝有段趣事，WaiWai 每朝例必約7:30就起床，當佢步出睡房見到papa瞓在客廳，佢望住大洪爸然後手指指著睡房，原來意思係叫papa入房瞓，大洪爸接着拖住 WaiWai 步入睡房，爬上床跟papa一齊瞓，還跟papa係度玩點蟲蟲，蟲蟲飛。 WaiWai 開始越大越懂事，越大越精叻，但同時我亦希望她有健康既身體那就更完美了。

Actually, WaiWai已經識辨別到屋企人各自身份，只差她未懂得講。到上星期大洪爸叫WaiWai拎本書書俾 mama，當WaiWai走到我身邊遞本書給我時她就叫咗聲 mama..mama..。 相反，叫佢拎嘢俾papa，嫲嫲or 婆婆….，佢唔會叫人喎。依家每次叫WaiWai拎嘢俾我時佢都會叫 mama..mama，我每次聽到都甜到入心 ^o^。下一步，期待佢識叫 papa！

BB女也蠻漂亮的，有對烏黑的大眼睛，深深既雙眼皮，濃密的烏黑頭髮，幼長的手指，與BB家姐彤彤比較，妹妹漂亮得多。 以我有一年多凑B經驗，抱起初生BB仍有點手揗腳震，望著小BABY不自覺地令我回想起剛出世既WaiWai，經常乖乖在MAMA懷抱裡睡覺，食飽飽就瞓瞓飽又食，但此情境巳成過去，只能留在回憶之中。 

WaiWai現在已有2個表姐，依家又多左個表妹，剛巧湊成4朵金花，變成張氏第二代4朵金花，希望這4朵金花日後能健康成長，將來有一個快樂既人生。

話說係2個星期前WaiWai只係識向後爬，未懂向前爬，我仲好擔心同大洪爸講係咪佢身型大份唔夠力向前爬呀！估唔到2個星期後既今日就識，但爬得好慢不是好靈活，我想需要些時間緞練吧！下一步要學習獨立企，暫時企得還不夠穩陣，WaiWai你要繼續努力呀！

10個月既WaiWai依家有4只牙仔，識自己扶住企起身、轉身、拍拍手、跳舞、用額頭同人錫錫 (尤其係baby boy 肯定來者不拒)、做拜拜 & Hello動作、雙手拖住人行等，但仲未識向前爬爬，淨係識向後爬。 最近坐學行車就越片越快，在婆婆家經常橫衝直撞，又喜歡追縱住我，我行去邊佢就追到去邊。隨著年紀長大，日間瞓覺越來越少，活動時間就相對多左，每朝又例必6點幾就起身，婆婆湊佢就越來越吃力。

仲有2個月WaiWai就一歲，我地一家3口係baby kingdom 0808mama會join左個慶祝1歲生日party在黄金海岸hotel舉行，全部都係2008年8月出世既baby 。希望到時有個難忘既生日派對！

那就是“WaiWai終於出牙仔嘞”！ 

我一直以來都擔心為何9個月既WaiWai仲未出牙仔呢？ 與她同年紀的差不多都出，最多的有成4隻，最少都有2隻。直至上星期我發現WaiWai的上下排牙肉門牙位置各有一隻牙仔出現，這一新發現頓時令我這個心急媽媽頓時放下心頭大石。

眼見身邊好多近視朋友包括自己妹妹都陸陸續續去做激光矯視手術，手術成功率仲係百份百。呢種手術越來越普及，價錢亦相應越來越平，最終我這個大近視mama (實情只有5百幾近視 + 250度散光) 都按耐不住要去做呢個手術。 手術在5月15日進行，度眼，手術講解，進行手術，手術後休息前後合共2個半小時完成，手術過程無任何痛楚，埋單盛惠$18,000大元。 回家休息4個小時後一覺醒來睜開雙眼望得一清二楚，那種感覺真爽。 第2天回去診所覆診，手術過後雙眼只剩餘25度近視，效果極佳！

此度數未到高燒範圍，所以我們用傳统方法幫她貼退熱貼，用暖水抹身，開大風扇，飲多暖水來降温。還好的是她精神狀態良好，食得瞓得又玩得，開心指數極高 (還是經常e起個咀仔笑，玩拍拍手，聽歌跳舞)，見到佢有這些表現我都放心啲。 WaiWai突然發燒+肚瀉現象，我們猜測她可能是吽牙。

直至第2天WaiWai跟平日一樣晨早6點幾起身後，食左第一餐，仲坐左係大廳睇DVD和玩玩具，但她的燒仍然維持在38.3 – 39.4度，完全無退過，所以我們再次俾退燒水佢飲希望可以減退。唉！作為mama的我心情當然不好疋過，整日在office既心情好down，好擔心佢越燒越高。我大約每隔2hours就打返去update佢既情況，但給我的答案還是未退燒。我去諮詢班0808 mama意見，佢地猜測是出玫瑰疹 (大部份BB都會有，正常發燒3日後身體上呈現紅色一點點)。她們還是suggest我帶WaiWai去睇e生，發燒可大可小叫我不可輕視。整個晚上我都瞓得唔好，半夜醒了幾次起身同WaiWai量體温/抹身/餵藥，温度仍屬高燒，所以我決意明天帶WaiWai去睇睇Dr.Lee。

到第3天早上，我如常走入WaiWai房看她，她食住奶咀半睡半醒，樣子悶悶不樂，頭仔/頸仔仍很燙手，5安半奶奶飲剩一半。之後，我就吩咐婆婆帶她去見Dr.Lee，最後得出結果係喉嚨發炎，並預計在第3天發燒過後會出玫瑰疹，體重還輕了一磅。希望WaiWai出左玫瑰疹後就完全無事，papamama每見到你生病既樣子就很心痛，完全感受到痛在你身痛在我心。